Hlusta

Aðalskipulag 2025-2040

Aðalskipulag er skipulagsáætlun fyrir sveitarfélög þar sem fram kemur stefna sveitarstjórnar um landnotkun, byggðaþróun, byggðamynstur, samgöngu- og þjónustukerfi og umhverfismál í sveitarfélaginu á minnst 12 ára tímabili í samræmi við skipulagslög. Aðalskipulag markar framtíðarsýn um hvernig samfélagið á að þróast á næstu árum.

Sveitarstjórn sveitarfélagsins Skagafjarðar samþykkti þann 15. október 2025 endurskoðað Aðalskipulag Skagafjarðar 2025-2040, skrá yfir vegi í náttúru Íslands ásamt umhverfisskýrslu.

Skipulagsstofnun staðfesti 5. mars 2026 Aðalskipulag Skagafjarðar 2025-2040.

Við gildistöku aðalskipulagsins fellur úr gildi Aðalskipulag Sveitarfélagsins Skagafjarðar 2020-2035 ásamt síðari breytingum.

Málsmeðferð var samkvæmt 30.-32. gr. skipulagslaga nr. 123/2010.

Auglýsing þess efnis birtist þann 10. mars 2026 í B-deild Stjórnartíðinda.

Átrituð gögn er að finna á skipulagsvefsjá HMS, sjá hér: https://www.skipulagsvefsja.is/

Aðalskipulagið er sett fram í greinargerð og uppdráttum. Þar kemur fram stefnumörkun sveitarfélagsins Skagafjarðar um landnotkun og þróun til ársins 2040. Tillagan tekur m.a. á sameiningu sveitarfélagsins Skagafjarðar og Akrahrepps, stefnu fyrir íbúðarbyggð, samgöngur, landbúnaðarsvæði, atvinnusvæði, ferðaþjónustu, flutningskerfi raforku, efnistöku, og náttúru- og minjavernd. Við mótun tillögunnar og afgreiðslu hennar hefur verið tekið mið af áhrifum á umhverfi og samfélagi, sem og þeim umsögnum og athugasemdum sem bárust í skipulagsferlinu.

Uppdrættir

Aðalskipulag Skagafjarðar 2025-2040 - Sveitarfélagsuppdráttur 1

Aðalskipulag Skagafjarðar 2025-2040 - Sveitarfélagsuppdráttur 2

Aðalskipulag Skagafjarðar 2025-2040 - Þéttbýlisuppdráttur Hofsós

Aðalskipulag Skagafjarðar 2025-2040 - Þéttbýlisuppdráttur Hólar

Aðalskipulag Skagafjarðar 2025-2040 - Þéttbýlisuppdráttur Sauðárkrókur

Aðalskipulag Skagafjarðar 2025-2040 - Þéttbýlisuppdráttur Steinsstaðir

Aðalskipulag Skagafjarðar 2025-2040 - Þéttbýlisuppdráttur Varmahlíð

Aðalskipulag Skagafjarðar 2025-2040 - Landbúnaðarland

Aðalskipulag Skagafjarðar 2025-2040 - Vegir í náttúru Íslands