Byggðarráð Skagafjarðar - 954
Málsnúmer 2102027F
Vakta málsnúmerSveitarstjórn Sveitarfélagins Skagafjarðar - 408. fundur - 17.03.2021
Fundargerð 954. fundar byggðarráðs frá 24. febrúar 2021 lögð fram til afgreiðslu á 408. fundi sveitarstjórnar eins og einstök erindi bera með sér. Stefán Vagn Stefásson kynnti fundargerð. Enginn kvaddi sér hljóðs.
-
Byggðarráð Skagafjarðar - 954 Lagt fram bréf dagsett 15. febrúar 2021 frá Fiskmarkaði Íslands varðandi ósk um framlengingu á uppsagnarákvæði leigusamnings um fasteignina Háeyri 6 á Sauðárkróki. Byggðarráð samþykkir að vísa erindinu til umhverfis- og samgöngunefndar sem fer með málefni Hafnarsjóðs Skagafjarðar. Bókun fundar Afgreiðsla 954. fundar byggðarráðs staðfest á 408. fundi sveitarstjórnar 17. mars 2021 með níu atkvæðum.
-
Byggðarráð Skagafjarðar - 954 Lögð fram drög að reglum um úthlutun lóða á Nöfum ofan Sauðárkróks. Byggðarráð samþykkir að senda drögin til umfjöllunar hjá Fjáreigendafélagi Sauðárkróks. Bókun fundar Afgreiðsla 954. fundar byggðarráðs staðfest á 408. fundi sveitarstjórnar 17. mars 2021 með níu atkvæðum.
-
Byggðarráð Skagafjarðar - 954 Lagt fram bréf dagsett 5. febrúar 2021 frá RARIK varðandi strenglögn í Skagafirði ásamt samkomulagi um lagningu jarðstrengs í landi Reykjarhóls, L146060. Strengleið 2019-11001-0001.
Byggðarráð samþykkir lagningu jarðstrengs í landi Reykjarhóls, að uppfylltum öðrum skilyrðum um leyfisveitingu vegna framkvæmdarinnar. Bókun fundar Afgreiðsla 954. fundar byggðarráðs staðfest á 408. fundi sveitarstjórnar 17. mars 2021 með níu atkvæðum. -
Byggðarráð Skagafjarðar - 954 Lagðar fram siðareglur starfsmanna Sveitarfélagsins Skagafjarðar. Markmið siðareglna starfsmanna Sveitarfélagsins Skagafjarðar er að skilgreina hátterni og viðmót sem ætlast er til að starfsmenn sýni við störf sín. Siðareglunum er ætlað að stuðla að því að starfsmenn Sveitarfélagsins Skagafjarðar sýni hver öðrum, íbúum og viðskiptavinum heiðarleika, virðingu, trúnað, góða þjónustulund og réttsýni.
Byggðarráð samþykkir siðareglurnar og vísar þeim til afgreiðslu sveitarstjórnar. Bókun fundar Forseti gerir tillögu um að vísa afgreiðslu málsins til liðarins "Siðareglur starfsmanna". Samþykkt samhljóða -
Byggðarráð Skagafjarðar - 954 Lagður fram tölvupóstur dagsettur 18. febrúar 2021 frá nefndasviði Alþingis. Umhverfis- og samgöngunefnd Alþingis sendir til umsagnar tillögu til þingsályktunar um Alexandersflugvöll sem varaflugvöll fyrir Keflavíkur-, Reykjavíkur-, Akureyrar- og Egilsstaðarflugvelli, 126. mál.
Byggðarráð styður málið og vill árétta að Sveitarfélagið Skagafjörður hefur á undanförnum árum lagt mikla áherslu á uppbyggingu Alexandersflugvallar sem varaflugvallar vegna góðra lendingarskilyrða og landfræðilegrar legu flugvallarins. Það er óumdeild að lendingarskilyrði séu með því besta sem gerist á landinu og þeir dagar þar sem völlurinn lokar vegna veðurskilyrða eru fátíðir og slíkt myndi heyra til undantekinga með bættum vallarbúnaði. Jafnframt er ljóst að uppbygging vallarins myndi hafa veruleg jákvæð áhrif á ferðaþjónustu á Norðurlandi öllu. Bókun fundar Afgreiðsla 954. fundar byggðarráðs staðfest á 408. fundi sveitarstjórnar 17. mars 2021 með níu atkvæðum. -
Byggðarráð Skagafjarðar - 954 Lagður fram tölvupóstur dagsettur 12. febrúar 2021 þar sem samgöngu- og sveitarstjórnarráðuneytið kynnir til samráðs mál nr. 43/2021, "Frumvarp til laga um uppbyggingu og rekstur flugvalla og þjónustu við flugumferð". Umsagnarfrestur er til og með 26.02.2021. Bókun fundar Afgreiðsla 954. fundar byggðarráðs staðfest á 408. fundi sveitarstjórnar 17. mars 2021 með níu atkvæðum.