Byggðarráð Skagafjarðar - 45
Málsnúmer 2304018F
Vakta málsnúmerSveitarstjórn Skagafjarðar - 13. fundur - 10.05.2023
Fundargerð 45. fundar byggðarráðs frá 26. apríl 2023 lögð fram til afgreiðslu á 13. fundi sveitarstjórnar eins og einstök erindi bera með sér. Sólborg Borgarsdóttir forseti kynnti fundargerð. Enginn kvaddi sér hljóðs.
-
Byggðarráð Skagafjarðar - 45 Undir þessum dagskrárlið kom Steinn Leó Sveinsson sviðsstjóri veitu- og framkvæmdasviðs á fundinn og fór yfir framkvæmdir ársins vegna húsnæðis Grunnskólans austan Vatna á Hofsósi og þar á meðal lagfæringu á fráveitulögnum sem reyndust í verra ástandi en búist var við. Búið er að bjóða út endurnýjun á gluggum, einangrun og klæðningu útveggja ásamt endurnýjun á þakklæðningu fyrir stóran hluta hússins. Bókun fundar Afgreiðsla 45. fundar byggðarráðs staðfest á 13. fundi sveitarstjórnar 10. maí 2023 með átta atkvæðum.
-
Byggðarráð Skagafjarðar - 45 Steinn Leó Sveinsson sviðsstjóri veitu- og framkvæmdasviðs sat fundinn undir þessum dagskrárlið og kynnti nauðsynlegar framkvæmdir sem þarf að ráðast í vegna hitaveituholu VH-03 í Varmahlíð. Áætlaður heildarkostnaður er 88,3 milljónir króna.
Byggðarráð samþykkir að fela sveitarstjóra og sviðsstjóra veitu- og framkvæmdasviðs að vinna frekar að málinu og undirbúa gerð viðauka við fjárhagsáætlun ársins. Bókun fundar Afgreiðsla 45. fundar byggðarráðs staðfest á 13. fundi sveitarstjórnar 10. maí 2023 með níu atkvæðum. -
Byggðarráð Skagafjarðar - 45 Lagt fram kort af beitarhólfum við Hofsós merkt S01, í verki 416302 Stoð, breyting gerð 08.12. 2022 ásamt korti af Naustalandi. Engir samningar eru í gildi um skika númer 2 og 4 né Naustaland. Kári Gunnarsson umhverfis- og landbúnaðarfulltrúi sat fundinn undir þessum dagskrárlið.
Byggðarráð samþykkir að fela umhverfis- og landbúnaðarfulltrúa að auglýsa skikana til leigu. Bókun fundar Sigurlaug Vordís Eysteinsdóttir óskar bókað að hún vék af fundi og tók ekki þátt í atkvæðagreiðslu.
Afgreiðsla 45. fundar byggðarráðs staðfest á 13. fundi sveitarstjórnar 10. maí 2023 með átta atkvæðum. -
Byggðarráð Skagafjarðar - 45 Lagður fram tölvupóstur dagsettur 15. mars 2023 frá Guðjóni Ólafi Guðjónssyni, þar sem hann óskar eftir að fá leigt hólf fyrir ofan Lækjarbakka 3 og norðan við Lækjarbrekku í Steinsstaðahverfi. Svæðið er í deiliskipulagsferli undir íbúðabyggð. Kári Gunnarsson umhverfis- og landbúnaðarfulltrúi sat fundinn undir þessum dagskrárlið.
Byggðarráð samþykkir að synja erindinu. Bókun fundar Afgreiðsla 45. fundar byggðarráðs staðfest á 13. fundi sveitarstjórnar 10. maí 2023 með níu atkvæðum. -
Byggðarráð Skagafjarðar - 45 Lagt fram aðalfundarboð frá Landskerfi bókasafna hf., dagsett 17. apríl 2023, vegna aðalfundar félagsins þann 9. maí 2023 í Reykjavík. Bókun fundar Afgreiðsla 45. fundar byggðarráðs staðfest á 13. fundi sveitarstjórnar 10. maí 2023 með níu atkvæðum.
-
Byggðarráð Skagafjarðar - 45 Lagður fram tölvupóstur dagsettur 17. apríl 2023 þar sem forsætisráðuneytið kynnir til samráðs mál nr. 82/2023, "Grænbók um sjálfbært Ísland". Umsagnarfrestur er til og með 29.05.2023. Bókun fundar Afgreiðsla 45. fundar byggðarráðs staðfest á 13. fundi sveitarstjórnar 10. maí 2023 með níu atkvæðum.
-
Byggðarráð Skagafjarðar - 45 Lögð fram til kynningar auglýsing um fundarferð forsætisráðherra, "Mótum sjálfbæra framtíð. Samtal við forsætisráðherra um sjálfbært Ísland". Sjá nánar á heimasíðu https://www.stjornarradid.is/verkefni/sjalfbaert-island/ Bókun fundar Afgreiðsla 45. fundar byggðarráðs staðfest á 13. fundi sveitarstjórnar 10. maí 2023 með níu atkvæðum.
-
Byggðarráð Skagafjarðar - 45 Lagðar fram til kynningar fundargerðir 922.,923. og 924. fundar stjórnar Sambands íslenskra sveitarfélaga. Bókun fundar Afgreiðsla 45. fundar byggðarráðs staðfest á 13. fundi sveitarstjórnar 10. maí 2023 með níu atkvæðum.