Atvinnu-, menningar- og kynningarnefnd Svf Skagafjarðar

Sigríður Sigurðardóttir og Guðný Zoega frá Byggðasafni Skagfirðinga komu til fundar og kynntu starfsemi safnsins á árinu 2013, ásamt því að stikla á stóru um fyrirhuguð verkefni og starfsemi á árinu 2014.

Rætt um möguleika þess að koma á aðgangspassa sem gildir fyrir fleiri en einn ferðamannastað á vegum sveitarfélagsins. Sigfúsi Inga falið að kanna mögulegar útfærslur á þessari hugmynd.

Rætt um stöðu og framtíð Alexandersflugvallar við Sauðárkrók en fram hefur komið í fréttum þörfin á að koma upp nýjum alþjóðlegum varaflugvelli á Íslandi. Sigfúsi Inga falið að afla upplýsinga og gagna sem til eru um flugvöllinn og þau skilyrði sem þurfa að vera til staðar til að flugvöllurinn geti þjónað hlutverki varaflugvallar.

Pétur Stefánsson frá KS Varmahlíð kom til fundar og kynnti starfsemi og heimsóknir í upplýsingamiðstöðina í Varmahlíð árið 2013. Fram kom að talsverðar endurbætur eru fyrirhugaðar innandyra í húsnæði kaupfélagsins í Varmahlíð og er gert ráð fyrir starfsemi upplýsingamiðstöðvar þar áfram. Báðir aðilar eru jákvæðir fyrir því að ganga til viðræðna um áframhaldandi starfsemi upplýsingamiðstöðvar í húsinu.

Árni Gunnarsson, framkvæmdastjóri Skottu kvikmyndafjelags, kom til fundar og kynnti stöðu á verkefni um framleiðslu kynningarefnis fyrir sveitarfélagið.