Atvinnu-, menningar- og kynningarnefnd Svf Skagafjarðar

Tekin fyrir drög að dagskrá Sæluviku Skagfirðinga 2015. Dagskráin verður send út til allra heimila í Skagafirði líkt og undanfarin ár og einnig kynnt á vefmiðlum. Nefndin fagnar fjölbreyttri dagskrá og kröftugu menningarlífi í Skagafirði.

Fjallað um umsóknir í Sóknaráætlun Norðurlands vestra fyrir árið 2015. Nefndin ákveður að sækja um styrki sem mótframlög í verkefni fyrir hönd sveitarfélagsins.

Fjallað um beiðni Markaðsstofu Norðurlands um styrk til Air 66N flugklasans. Nefndin samþykkir að veita kr. 300.000,- til verkefnisins að þessu sinni og er upphæðin tekin af fjárhagslið 13621. Nefndin mun óska eftir fundi síðar á árinu með starfsmanni flugklasans til að fara yfir framvindu verkefnisins.

Tekið fyrir erindi frá Golklúbbi Sauðárkróks um samstarf við sveitarfélagið við að auka aðgengileika að mannvistarleifum ofan svæðis golfklúbbsins. Nefndin tekur jákvætt í erindið en telur rétt að skoða það í samhengi við önnur umhverfis- og skipulagsmál á svæðinu og vísar erindinu áfram til skipulags- og byggingarnefndar og umhverfis- og samgöngunefndar til umfjöllunar.

Tekin fyrir styrkbeiðni vegna gerðar stuttmyndar sem er lokaverkefni nemanda við Kvikmyndaskóla Íslands. Nefndin getur því miður ekki orðið við erindinu en bendir á uppbyggingarsjóð Norðurlands vestra sem nú er opinn fyrir m.a. umsóknum á sviðum menningarmála, auk annarra sjóða sem styrkja slík verkefni.