Byggðarráð Svf. Skagafjarðar

Vinna við þriggja ára áætlun 2011-2013 kynnt og lögð fram fyrstu drög að henni.

Byggðarráð samþykkir að þriggja ára áætlunin verði lögð fram á næsta fundi byggðarráðs og til fyrri umræðu á aukafundi sveitarstjórnar 16. mars nk. Síðari umræða fer fram á sveitarstjórnarfundi 23. mars 2010.

Málið áður á dagskrá 502. fundar byggðarráðs. Kynnt samkomulag um réttmæti innheimtu og lúkningu málsins í sátt beggja aðila.

Félags- og tómstundanefnd lagði til við byggðarráð á 150. fundi að hluta af styrk Framkvæmdasjóðs aldraðra 2009 vegna Húss frítímans, yrði varið í gjaldfærðan kostnað á málaflokki 06 vegna standsetningar húsnæðisins á árinu 2009 og til framkvæmda við fasteignina á árinu 2010.

Byggðarráð samþykkir að 2 mkr. verði færðar á móti gjaldfærðum kostnaði vegna Húss frítímans og 7,5 mkr. verði nýttar á móti framkvæmdum á árinu 2010.

Lögð fram bókun 154. fundar félags- og tómstundanefndar varðandi að greiðslur hvatapeninga gildi fyrir börn og unglinga á aldrinum frá 6 til 18 ára, frá og með 1. janúar 2010. Málið áður á dagskrá á 504. fundi ráðsins

Lögð fram umsókn frístundasviðs sveitarfélagsins til félags- og tryggingamálaráðuneytisins um styrk úr mótvægissjóði Velferðarvaktarinnar til verkefnisins V.I.T. 2010 (vinna-íþróttir-tómstundir 16-18 ára).

Byggðarráð styður umsóknina.

Lagt fram til kynningar bréf varðandi ákvörðun stjórnar SSNV um að 18. ársþing SSNV verði haldið á Blönduósi, dagana 27.-28. ágúst 2010.

Lagður fram tölvupóstur frá samgöngu- og sveitarstjórnarráðuneytinu þar sem tilkynnt er að frestur til að skila þriggja ára áætlun 2011-2013 hafi runnið út 28. febrúar sl.