Félags- og tómstundanefnd Svf. Skagafjarðar

Formaður lagði til að Sigríður Svavarsdóttir verði kosin varaformaður nefndarinnar í stað Höllu Ólafsdóttur sem hefur fengið tímabundið leyfi frá störfum. Nefndin samþykkir tillöguna.

Lögð var fram tillaga að forvarnarstefnu fyrir Sveitarfélagið Skagafjörð. Málið var áður á dagskrá á síðasta fundi. Að loknum umræðum og breytingum sem nefndarmenn vildu gera var stefnan samþykkt.

Lögð var fram tillaga að nýjum samningum við Golfklúbb Sauðárkróks til 10 ára. Um er að ræða annars vegar samning um slátt á íþróttasvæðinu á Sauðárkróki og hins vegar samning um rekstur og uppbyggingu golfsvæðisins. Nefndin samþykkir fyrir sitt leyti samningana og vísar þeim till byggðarráðs.

Lögð var fram umsókn um endurnýjun á leyfi til dagvistunar í heimahúsi. Nefndin samþykkir endurnýjun leyfisins til þriggja ára skv. reglugerð þar um.

Lagt var til að veita tveimur starfandi dagforeldrum, sem sótt hafa um aðstoð til kaupa á sérútbúnum kerrum, styrk að upphæð kr. 50.000 til hvors umsækjanda.

Engin trúnaðarmál lögð fyrir fundinn.