Félags- og tómstundanefnd Svf. Skagafjarðar

Þann 19. febrúar n.k. munu íbúar í Sveitarfélaginu Skagafirði og Akrahreppi kjósa um sameiningu þessara tveggja sveitarfélaga. Áhugavert er að heyra hvaða afstöðu ungt fólk hefur til slíkrar sameiningar. Af því tilefni er lagt til að fram fari svokallaðar skuggakosningar meðal nemenda á unglingastigi í grunnskóla og yngstu árgöngum FNV. Gert er ráð fyrir að ásamt starfsmönnum komi Ungmennaráð og nemendafélög að undirbúningi og framkvæmd kosninganna.

Daggjald er ákvarðað í reglugerð um dagdvöl aldraðra nr. 1245/2016 með árlegum breytingum. Árið 2022 er daggjald notenda 1.313 kr. Nefndin samþykkir að fæðiskostnaður á dag árið 2022 verði 559 kr., samanlagt daggjald með fæði 1.872 kr. og fjarvistargjald á dag 1.313 kr.
Sigurlaug Vordís Eysteinsdóttir, fulltrúi Vg og óháðra, óskar bókað að hún sitji hjá við atkvæðagreiðsluna.

Erindi frá Félagi eldri borgara í Skagafirði. Í samræmi við samning Sveitarfélagsins Skagafjarðar og Félags eldri borgar í Skagafirði frá september 2021, samþykkir nefndin að veita Félagi eldri borgara í Skagfirði 350.000 kr. styrk vegna félagsstarfa á árinu 2021.

Erindi frá Félagi eldri borgara Löngumýri. Í samræmi við samning Sveitarfélagsins Skagafjarðar og Félags eldri borgara í Skagafirði frá september 2021, samþykkir nefndin að veita Félagi eldri borgara Löngumýri 150.000 kr. styrk vegna félagsstarfa á árinu 2021.

Erindi frá Félagi eldri borgara Hofsósi. Í samræmi við samning Sveitarfélagsins Skagafjarðar og Félags eldri borgara í Skagafirði frá september 2021, samþykkir nefndin að veita Félagi eldri borgara Hofsósi 100.000 kr. styrk vegna félagsstarfa á árinu 2021.

Lögð fram styrkbeiðni frá Stígamótum vegna starfsemi samtakanna. Nefndin telur sér ekki fært að veita styrk að þessu sinni en óskar Stígamótum alls góðs í störfum sínum.

Lögð fram til kynningar ný reglugerð um skoðun ökutækja sem flytja hreyfihamlað fólk.

Eitt mál tekið til afgreiðslu. Samþykkt.