Félags- og tómstundanefnd Svf. Skagafjarðar

Félags- og tómstundanefnd samþykkir að framlengja leigusamning við Félagsheimilið Ljósheima fyrir félagsstarf eldri borgara. Leigusamningur gildir út desember. Leiguupphæð er 30.000 fyrir hvert skipti. Vísað til Byggðaráðs.

Þau markmið sem kynnt eru í frumdrögum heilsustefnu Heilbrigðisráðuneytisins falla ágætlega að þeim markmiðum sem unnið er eftir í verkefninu ,,Allt hefur áhrif-einkum" við sjálf sem Sveitarfélagið Skagafjörður er þátttakandi í í samvinnu við Lýðheilsustöð.

Félags-og tómstundanefnd fagnar þessu framtaki.

Félags- og tómstundanefnd samþykkir að sumaropnun Sundlaugar Sauðárkróks verði sem hér segir: Virka daga frá kl. 6.50-22 og frá kl. 10-18 um helgar og er það í samræmi við aðsókn að lauginni. Sundlaugin í Varmahlíð verður opin virka daga frá kl. 11-22.30 og kl. 11-18.30 um helgar. Sundlaugin Sólgörðum verður opin þriðjud.-föstud. kl. 17-21, laugard. kl. 14-22 og sunnud. kl. 14-18.

Félags-og tómstundanefnd samþykkir að styrkja Skotfélagið Ósmann um 100 þúsund krónur til uppbyggingar á svæði félagsins en bendir jafnframt á að styrkir til íþróttamála eru einkum ætlaðir til þess að styðja við barna- og unglingastarf. Sú uppbygging, sem þegar hefur verið styrkt, kom til vegna Landsmóts U.M.F.Í. 2004. Skal þetta tekið af gjaldalið 06630.

Rætt um drög að samningi. Frístundastjóri kynnti aðra sambærilega samninga og leggur nefndin áherslu á að samningurinn verði undirritaður sem fyrst.

Félags-og tómstundanefnd samþykkir að veita Hestamannafélaginu Svaða 150 þúsund króna framkvæmdastyrk vegna framkvæmda við aðstöðu við félagshúsið. Tekið skal af gjaldalið 06630.