Félagsmálanefnd
Árið 2001, þriðjudaginn 2. janúar kom félagsmálanefnd saman til fundar á skrifstofu Skagafjarðar kl. 13,15.
Mætt voru: Elinborg Hilmarsdóttir, Ásdís Guðmundsdóttir, Sólveig Jónasdóttir, Ingibjörg Hafstað og Trausti Kristjánsson.
Auk þeirra Elsa Jónsdóttir og Árdís Antonsdóttir.
Dagskrá:
- Fjárhagsáætlun.
- Húsnæðismál.
- Trúnaðarmál.
- Önnur mál.
Afgreiðslur:
Nýr félagsmálastjóri, Gunnar Sandholt, mætir á fundinn og er boðinn velkominn til starfa.
1. Fjárhagsáætlun.
Snorri Björn Sigurðsson, sveitarstjóri, mætir á fundinn og útskýrir fjárhagsáætlun, hann víkur síðan af fundi. Elsa gerir grein fyrir fjárhagsáætlun fyrir félagsíbúðir Skagafjarðar. Fjárhagsáætlanir félagsmálanefndar og félagsíbúða Skagafjarðar samþykktar og vísað til byggðarráðs og fyrri umræðu í sveitarstjórn. Ingibjörg Hafstað óskar bókað að hún sitji hjá við afgreiðslu.
Ásdís Guðmundsdóttir mætir á fundinn.
2. Húsnæðismál.
Tekin fyrir tillaga frá formanni félagsmálanefndar Skagafjarðar Elinborgu Hilmarsdóttur: "Félagsmálanefnd Skagafjarðar samþykkir að sveitarfélaginu beri ekki skylda til að auglýsa eigin íbúðir til sölu á almennum markaði, ef leigjandi óskar eftir að kaupa á ásættanlegu verði, þá íbúð sem hann er búsettur í". Miklar umræður urðu um tillöguna og atriði varðandi félagsíbúðir í framhaldi af því. Tillögunni var vísað frá.
Elsa vék af fundi.
3. Trúnaðarmál - engin.
4. Önnur mál.
- Ályktun Landsfundar jafnréttisnefnda, sem haldinn var á Akureyri 10. og 11. nóvember 2000, lögð fram til kynningar.
Fleira ekki gert, fundi slitið kl. 15.00
Árdís Antonsdóttir, ritari.
Ásdís Guðmundsdóttir
Sólveig Jónasdóttir
Elinborg Hilmarsdóttir
Ingibjörg Hafstað
Trausti Kristjánsson