Fræðslunefnd Svf. Skagafjarðar

Áætlanir fyrir starf leikskóla lagðar fram til kynningar.

Biðlisti við Ársali lagður fram til kynningar.

Starfsáætlun fjölskyldusviðs fyrir árið 2018 lögð fram til kynningar.

Kynntar voru tillögur Velferðarvaktarinnar gegn brotthvarfi nemenda úr framhaldsskólum. Fræðslunefnd tekur undir þær tillögur og ábendingar sem fram koma í erindinu og hvetur til að markvisst verði unnið eftir þeim í samstarfi ríkis og sveitarfélaga.

Lagt fram minnisblað um fyrirkomulag og niðurstöður samræmdra prófa í grunnskólum Skagafjarðar frá því í september 2017.

Kynnt var fyrirkomulag það sem nú er viðhaft í skólaakstri í Skagafirði. Jafnframt var lagt fram minnisblað um ýmis álitaefni varðandi fyrirhugað útboð á akstrinum. Málinu frestað til næsta fundar.

Kynnt voru drög að endurskoðuðum reglum um flutning barna á milli skóla. Málinu frestað til næsta fundar nefndarinnar.

Lagt fram erindi frá Mennta- og menningarmálaráðuneytinu, undirritað af menntamálaráðherra, þar sem hvatt er til þess að Pisa könnun, sem lögð verður fyrir í mars/apríl n.k. fái jákvæða umfjöllun og kynningu í grunnskólum. Fræðslunefnd tekur undir hvatninguna og ítrekar mikilvægi Pisa könnunarinnar.

Ein umsókn barst um leigu á Sólgarðaskóla fyrir ferðaþjónustu sumarið 2018. Fræðslunefnd samþykkir fyrir sitt leyti að Sólgarðaskóli verði leigður til Kristínar S. Einarsdóttur og Alfreðs Símonarsonar og jafnframt verði gengið frá umsjón með sundlaug sbr. erindi þeirra, líkt og gert var sumarið 2017. Einnig skal leita álits félags- og tómstundanefndar þar sem sundlaugin er á forræði þeirrar nefndar. Þá er erindinu einnig vísað til byggðarráðs þar sem umsækjendur reifa þá hugmynd að taka skólann til leigu til lengri tíma.