Landbúnaðarnefnd Svf. Skagafjarðar
Landbúnaðarnefnd Skagafjarðar
Fundur 61 – 21.12.2000
Ár 2000, fimmtudaginn 21. des. kl. 13,30 kom landbúnaðarnefnd saman til fundar í fundarsal sveitarfélagsins að Faxatorgi 1, Skr.
Mættir voru: Bjarni Egilsson, Smári Borgarsson, Örn Þórarinsson, Símon Traustason, Þórarinn Leifsson og Sigurður Haraldsson, starfsmaður.
Dagskrá:
1. Fundarsetning.
2. Fjárhagsáætlun 2001.
3. Eyðing refa og minka.
4. Bréf.
AFGREIÐSLUR:
1. Bjarni setti fund og kynnti dagskrá.
2. Farið var yfir fjárhagsáætlanir frá fjallskiladeildum v/fjárhagsáætlun 2001.
Gerðar voru allnokkrar breytingar til lækkunar. Þá var farið yfir ýmsa liði er varða landbúnaðarnefnd svo og ýmis landbúnaðarmál - í fjárhagsáætluninni -.
3. Eyðing refa og minka.
Mikil umræða varð um þennan lið og hvernig ná mætti niður kostnaði við veiðarnar. Samþykkt var að hætta álagsgreiðslum á vetrarveidd dýr en greiða lögboðna greiðslu á dýr, kr. 7.000,-. Samþ. var að leita leiða um lækkun á öðrum liðum.
4. Lagt fram bréf dags. 2.12.2000, undirritað af Gísla Jónssyni, Ytri-Húsabakka. Þar óskar hann eftir umsögn landbúnaðarnefndar um að hann fái að kaupa ábúðarjörð sína; landbúnaðarnefnd gerir eftirfarandi bókun varðandi erindi Gísla:
#GLLandbúnaðarnefnd Skagafjarðar mælir með að Gísli Jónsson fái ábúðarjörð sína, Ytri-Húsabakka, keypta að því tilskyldu að ekki sé ágreiningur um nýtingu á óskiptri sameign, sem Ytri-Húsabakki á með jörðunum Jaðri, Glaumbæ I, Glaumbæ II og Hátúni. Bent skal á að meðeigendur ríkisins á þessu landi hafa óskað eftir skiptum á því og æskilegt að sú skiptagjörð fari fram áður en ríkið selur sinn hlut.#GL
Fleira ekki gert, fundi slitið kl. 17,30.
Örn Þórarinsson Sigurður Haraldsson
Smári Borgarsson
Bjarni Egilsson
Símon E. Traustason
Þórarinn Leifsson
../ems