Byggðarráð Skagafjarðar - 994
Málsnúmer 2112004F
Vakta málsnúmerSveitarstjórn Sveitarfélagins Skagafjarðar - 419. fundur - 15.12.2021
Fundargerð 994. fundar byggðarráðs frá 8. desember 2021 lögð fram til afgreiðslu á 419. fundi sveitarstjórnar eins og einstök erindi bera með sér. Regína Valdimarsdóttir kynnti fundargerð. Enginn kvaddi sér hljóðs.
-
Byggðarráð Skagafjarðar - 994 Vinnufundur byggðarráðs vegna gerðar fjárhagsáætlunar fyrir árin 2022-2015.
Fundurinn hófst á yfirferð verkefna í umsjón atvinnu-, menningar- og kynningarnefndar. Málaflokkur 05-menningarmál og 13-atvinnumál. Til viðræðu komu Gunnsteinn Björnsson formaður nefndarinnar og Sigfús Ólafur Guðmundsson verkefnastjóri. Véku þeir af fundinum kl. 09:50.
Næstir á vettvang voru Haraldur Þór Jóhannsson formaður veitunefndar og Steinn Leó Sveinsson sviðsstjóri veitu- og framkvæmdasviðs og kynntu áætlun Skagafjarðarveitna, vatns-, sjó- og hitaveitu. Haraldur vék af fundi kl. 10:20.
Guðlaugur Skúlason varaformaður umhverfis- og samgöngunefndar kom á fundinn. Hann og Steinn Leó fóru yfir málaflokka 08-sorpmál, 10-umferðar- og samgöngumál, 11-umhverfismál, 61-Hafnarsjóð Skagafjarðar, 69-Fráveitu Skagafjarðar. Í lokin fór Steinn yfir málaflokk 31-eignasjóð. Véku þeir af fundi kl. 10:50.
Næst var röðin komin að skipulags- og byggingarnefnd. Einar E. Einarsson formaður nefndarinnar og Sæunn Kolbrún Þórólfsdóttir skipulagsfulltrúi tóku þátt í fundinum í gegnum fjarfundabúnað. Einnig sat Einar Andri Gíslason byggingarfulltrúi fundinn. Umfjöllun um málaflokkinn lauk kl. 11.20 og véku þau af fundi.
Margeir Friðriksson sviðsstjóri stjórnsýslu- og fjármálasviðs fór yfir málaflokk 00-skatttekjur og 21-sameiginlegur kostnaður. Lauk yfirferðinni kl. 11:50.
Næst kom Steinn Leó Sveinsson inn á fundinn til að kynna viðhaldsáætlanir og fjárfestingar ársins 2022. Vék hann af fundi kl. 13:00.
Byggðarráð þakkar kynningarnar og góða vinnu við áætlunargerðina. Bókun fundar Afgreiðsla 994. fundar byggðarráðs staðfest á 419. fundi sveitarstjórnar 15. desember 2021 með níu atkvæðum. -
Byggðarráð Skagafjarðar - 994 Lagt fram bréf dagsett 30. nóvember 2021 frá Sambandi íslenskra sveitarfélaga varðandi breytt skipulag barnaverndar. Að baki hverrar barnaverndarþjónustu verða umdæmi með í það minnsta 6.000 íbúum nema veitt verði undanþága að uppfylltum sérstökum skilyrðum. Bókun fundar Afgreiðsla 994. fundar byggðarráðs staðfest á 419. fundi sveitarstjórnar 15. desember 2021 með níu atkvæðum.
-
Byggðarráð Skagafjarðar - 994 Lagður fram viðauki númer 10 við fjárhagsáætlun 2021. Viðaukinn gerir ráð fyrir hækkun á viðhaldsfé eignasjóðs um 6 mkr. vegna standsetningar á húsnæði í Varmahlíð fyrir leikskólabörn og hækkun á framkvæmdafé vegna umhverfismála um 9,5 milljónir króna. Drenlögn ofan Norðurbrúnar í Varmahlíð og girðing um kirkjugarðinn á Hofsósi. Einnig er sala fasteigna í áætlun ársins tekin til baka og hlutafé í Mótun ehf., 9,8 mkr. og viðskiptaskuld, 23 mkr. afskrifuð.
Byggðarráð samþykkir fyrirliggjandi viðauka og vísar honum til afgreiðslu sveitarstjórnar. Bókun fundar Forseti gerir tillögu um að vísa afgreiðslu málsins til liðarins "Viðauki 10 við fjárhagsáætlun 2021". Samþykkt samhljóða. -
Byggðarráð Skagafjarðar - 994 Lögð fram bókun 296. fundar félags- og tómstundanefndar:
"Félags- og tómstundanefnd samþykkir að greiðsluviðmið jafnaðarstunda í NPA samningum árið 2022 taki mið af útreikningum NPA miðstöðvarinnar svf. Jafnaðarstund NPA samninga sem eru án hvíldarvakta, 5.567 kr. á klukkkustund. Jafnaðarstund NPA samnings sem kveður á um aðstoð allan sólarhringinn hjá notenda sem getur nýtt sér hvíldarvaktir, 5.070 kr. á klukkustund. Jafnaðarstund NPA samnings þar sem ekki er gert ráð fyrir næturvinnu, þ.e. hvorki hvíldarvöktum né vakandi næturvöktum, 5.362 kr. á klukkustund. Vísað til byggðarráðs."
Byggðarráð samþykkir gjaldskrána og vísar henni til afgreiðslu sveitarstjórnar.
Bókun fundar Forseti gerir tillögu um að vísa afgreiðslu málsins til liðarins "Notendastýrð persónuleg aðstoð, greiðsluviðmið 2022". Samþykkt samhljóða. -
Byggðarráð Skagafjarðar - 994 Lögð fram bókun 296. fundar félags- og tómstundanefndar:
"Félags og tómstundanefnd samþykkir að upphæð niðurgeiðslna skv. 6.gr. reglna um niðurgreiðslu á daggæslu í heimahúsum og um foreldragreiðslur hækki um 3,5%. Niðurgreiðsla verður þó aldrei hærri en sem nemur mismun á heildargjaldi vistunar hjá dagforeldri og í leikskóla ( gæsla, kostnaður og fæði ), sbr. reglur sveitarfélagsins um daggæslu í heimahúsum. Vísað til byggðarráðs."
Byggðarráð samþykkir bókun félags- og tómstundanefndar og vísar til afgreiðslu sveitarstjórnar. Bókun fundar Forseti gerir tillögu um að vísa afgreiðslu málsins til liðarins "Reglur um niðurgreiðslu á daggæslu í heimahúsum og foreldragreiðslur". Samþykkt samhljóða. -
Byggðarráð Skagafjarðar - 994 Lögð fram bókun 185. fundar umhverfis- og samgöngunefndar frá 1. desember 2021.
"Lögum samkvæmt ber sveitarfélögum að innheimta gjöld vegna meðhöndlunar úrgangs í samræmi við kostnað. Þessi skylda er áréttuð enn frekar í nýjum lögum um hringrásarhagkerfið. Þetta er Sveitarfélagið Skagafjörður því miður ekki að uppfylla í dag þar sem sveitarfélagið greiðir tugi milljóna með málaflokknum á ári hverju. Lagt er til að gjaldskrá fyrir sorpurðun og sorphirðu verði hækkuð um 15% frá og með 1. janúar 2022 en þrátt fyrir þá hækkun verður gjaldskrá Sveitarfélagsins Skagafjarðar rétt neðan við meðaltal sambærilegra gjaldskráa hjá sveitarfélögum sem samanburður hefur verið gerður við. Jafnframt er lagt til að móttökugjöld fyrir einstaka efnisflokka verði hækkuð til samræmis við gjaldskrár Norðurár og ÓK gámaþjónustu/Flokku fyrir þá flokka."
Byggðarráð samþykkir gjaldskrána og vísar til afgreiðslu sveitarstjórnar. Bókun fundar Forseti gerir tillögu um að vísa afgreiðslu málsins til liðarins "Gjaldskrá fyrir sorphirðu og sorpurðun 2022". Samþykkt samhljóða. -
Byggðarráð Skagafjarðar - 994 Lögð fram bókun 185. fundar umhverfis- og samgöngunefndar: "Lagðar eru til breytingar á gjaldskrá Skagafjarðarhafna sem munu taka gildi 1. janúar 2022. Nýrri 15. gr. hefur verið bætt við er varðar þjónustu dráttarbáts. Hækkun verður á liðum 13. og 14. gr. vegna kaupa og reksturs á nýjum dráttarbáti. Lagt er til að aðrir liðir gjaldskrárinnar hækki um 3,5%.
Umhverfis- og samgöngunefnd samþykkir tillöguna og vísar henni til byggðarráðs.
Dagur Þór Baldvinsson hafnarstjóri sat þennan lið."
Byggðarráð samþykkir gjaldskrána og vísar henni til afgreiðslu sveitarstjórnar. Bókun fundar Forseti gerir tillögu um að vísa afgreiðslu málsins til liðarins "Gjaldskrá Skagafjarðarhafna 2022". Samþykkt samhljóða. -
Byggðarráð Skagafjarðar - 994 Lögð fram bókun 185. fundar umhverfis- og samgöngunefndar: "Lagðar eru til eftirfarandi breytingar á gjaldskrá fráveitugjalda og tæmingu rotþróa sem taka munu gildi 1. janúar 2022.
Fráveitugjald fyrir íbúðarhúsnæði skal vera óbreytt, eða 0,186% af álagningarstofni. Fyrir annað húsnæði er fráveitugjaldið einnig óbreytt, 0,275% af álagningarstofni.
Gjald fyrir tæmingu rotþróa hækkar um 6,7%.
Hækkun gjalds fyrir tæmingu rotþróa endurspeglar raunkostnað á tæmingum undanfarin ár. Umhverfis- og samgöngunefnd samþykkir tillöguna og vísar henni til byggðarráðs."
Byggðarráð samþykkir gjaldskrána og vísar henni til afgreiðslu sveitarstjórnar. Bókun fundar Forseti gerir tillögu um að vísa afgreiðslu málsins til liðarins "Fráveitugjald og tæming rotþróa 2022. Samþykkt samhljóða. -
Byggðarráð Skagafjarðar - 994 Lögð fram bókun 185. fundar umhverfis- og samgöngunefndar: "Lögð var fram tillaga að 3,5% hækkun gjaldskrá hunda- og kattahalds fyrir árið 2022.
Umhverfis- og samgöngunefnd samþykkir tillöguna og vísar til byggðarráðs."
Byggðarráð samþykkir gjaldskrána og vísar henni til afgreiðslu sveitarstjórnar. Bókun fundar Forseti gerir tillögu um að vísa afgreiðslu málsins til liðarins "Gjaldskrá hunda og kattahalds 2022". Samþykkt samhljóða. -
Byggðarráð Skagafjarðar - 994 Lagt fram bréf dagsett 30. nóvember 2021 frá Sambandi íslenskra sveitarfélaga varðandi uppfærslu svæðisáætlana vegna lagabreytinga. Stjórn Sís áréttar að mikilvægt sé fyrir sveitarfélögin að hefja nú þegar undirbúning fyrir gildistöku lagabreytinganna og uppfæra svæðisáætlanir um meðhöndlun úrgangs með hliðsjón af þeim og nýlega samþykktri stefnu um meðhöndlun úrgangs. Bókun fundar Afgreiðsla 994. fundar byggðarráðs staðfest á 419. fundi sveitarstjórnar 15. desember 2021 með níu atkvæðum.
-
Byggðarráð Skagafjarðar - 994 Lagður fram til kynningar tölvupóstur dagsettur 30. nóvember 2021 frá Þjóðskrá Íslands varðandi kynningu á því að stofnunin áformi að taka í notkun nýtt álagningarkerfi vegna fasteignagjalda í ársbyrjun 2023. Bókun fundar Afgreiðsla 994. fundar byggðarráðs staðfest á 419. fundi sveitarstjórnar 15. desember 2021 með níu atkvæðum.
-
Byggðarráð Skagafjarðar - 994 Lagt fram til kynningar bréf dagsett 11. október 2021 frá samgöngu- og sveitarstjórnarráðuneyti til sveitarfélaga, varðandi breytingu á reglugerð 1212/2015 vegna reikningsskila sveitarfélaga.
Ný ákvæði 3. mgr. 20. gr. „Byggðasamlög, sameignarfélög, sameignarfyrirtæki og önnur félagaform sem eru með ótakmarkaðri ábyrgð sveitarfélags, skulu færð inn í samantekin reikningsskil sveitarfélags miðað við hlutfallslega ábyrgð sveitarfélags, þ.e. sveitarfélag skal færa hlutdeild þess í einstökum liðum rekstrar og efnahags, óháð stærð eignarhluta.“
Með breyttum ákvæðum 20. gr. er nú gert skylt að færa inn í samantekin reikningsskil sveitarfélags miðað við hlutfallslega ábyrgð sveitarfélags vegna byggðarsamlaga, sameignarfélaga, sameignarfyrirtækja og annara félagaforma sem eru með ótakmarkaðri ábyrgð sveitarfélags. Bókun fundar Afgreiðsla 994. fundar byggðarráðs staðfest á 419. fundi sveitarstjórnar 15. desember 2021 með níu atkvæðum.