Menningar- og kynningarnefnd

Lögð fram beiðni frá Héraðsbókasafni Skagfirðinga um gjaldskrárhækkun á árinu 2013.
Menningar- og kynningarnefnd samþykkir að gjaldskrá fyrir lánþegaskírteini hækki úr 1.700 kr. í 2.000 kr. þann 1. september 2013 og vísar samþykktinni til samþykktar hjá byggðarráði.

Lagt fram erindi frá rekstraraðilum Félagsheimilis Rípurhrepps hins forna, varðandi ósk um nafnbreytingu á félagsheimilinu. Fylgja með tillögur um nöfn, sem safnað var á síðasta þorrablóti Nesbúa.
Nefndin leggur til að ekki verði farið í nafnbreytingu á félagsheimilinu, nema í nánu samráði við meðeiganda og íbúa í Hegranesi. Sigfúsi Inga Sigfússyni falið að kanna hug meðeiganda til málsins.

Lögð fram til kynningar fundargerð húsnefndar félagsheimilisins Melsgils frá 16. janúar 2013.

Sigríður Sigurðardóttir safnstjóri Byggðasafns Skagfirðinga kom inn á fundinn undir þessum dagskrárlið og kynnti ársskýrslu safnsins fyrir árið 2012.
Menningar- og kynningarnefnd lýsir ánægju sinni með þessa ágætu skýrslu og þakkar Sigríði og hennar starfsfólki fyrir þeirra frábæru störf í þágu safnsins og samfélagsins.

Undir þessum dagskrárlið komu Katrín María Andrésdóttir og Ingibergur Guðmundsson starfsmenn SSNV og kynntu skýrslu sem þau unnu fyrir sveitarfélagið um félagsheimilin í eigu þess.
Menningar- og kynningarnefnd þakkar þeim Katrínu Maríu og Ingibergi fyrir vel unna skýrslu sem mun nýtast vel í skoðun og endurskipulagningu málefna félagsheimilanna.