Menningar- og kynningarnefnd

Rætt um starfsáætlun nefndarinnar fyrir árið 2008. Stefnumörkun er í fullum gangi hjá Byggðasafni, Héraðsskjalasafni og Héraðsbókasafni. Rætt um skjalavistunarverkefni frá Þjóðskjalasafni, um fyrirhugaðan fund varðandi safnasvæðið í Glaumbæ, menningarhúsið Miðgarð og fleira. Ennfremur rætt um stöðu félagsheimilamála. Í kynningarmálum var rætt um kynningu á sveitarfélaginu sem vænlegum búsetukosti og nýtingu á heimasíðu sveitarfélagsins.

Samþykktar breytingar á 3. grein úthlutunarreglna, þess efnis að aðeins verði auglýst einu sinni á ári eftir styrkjum, í stað þess að úthluta tvisvar. Sviðsstjóra falið að auglýsa eftir umsóknum um styrki fyrir árið 2008.

Lagður fram samningur milli hússtjórnar Ljósheima og Sigrúnar Aadnegaard, dags. 08.01.2008. Nefndin samþykkir samninginn og óskar Sigrúnu góðs gengis í hennar rekstri.

Lagt fram erindi frá Sigrúnu M. Gunnarsdóttur, dags. 07.01.2008 þar sem hún óskar eftir því að taka við rekstri félagsheimilisins Skagasels. Nefndin tekur jákvætt í erindið og felur sviðsstjóra að ganga til samninga við Sigrúnu með fyrirvara um samþykki meðeigenda Skagasels.

Lagt fram til kynningar erindi frá Listskreytingarsjóði Íslands. Sviðsstjóra falið að kanna hvort vænlegt sé að sækja um verkefni í sjóðinn.