Stjórn Menningarseturs Skagfirðinga

Margrét F. Guðmundsdóttir bókari kom á fundinn, fór yfir bókhald félagsins og svaraði fyrirspurnum.

Lagðir fram til kynningar lóðarleigusamningar Menningarseturs Skagfirðinga í Varmahlíð.

Lögð fram drög að bréfi frá stjórn Menningarseturs Skagfirðinga til Sveitarfélagsins Skagafjarðar þar sem óskað er eftir viðræðum við sveitarfélagið um að það kaupi eignir Menningarseturs Skagfirðinga.
Stjórn samþykkir að senda bréfið með áorðnum breytingum til sveitarfélagsins.

Lögð fram drög að bréfi til Sýslumannsins á Norðurlandi vestra þar sem honum er sent til upplýsingar áform Menningarseturs Skagfirðinga í Varmahlíð um að leggja setrið niður. Stjórnin gerir ráð fyrir að formleg beiðni verði síðar sett fram til sýslumanns með fylgigögnum á grundvelli 6. gr. laga um sjóði og stofnanir sem starfa samkvæmt staðfestri skipulagsskrá nr. 19/1988, með síðari breytingum.
Stjórn Menningarseturs samþykkir að senda bréfið til Sýslumannsins á Norðurlandi vestra.

Samþykkt að halda kynningarfund í Varmahlíð í byrjun nýs árs um áform Menningarseturs Skagfirðinga um að leggja setrið niður.