Stjórn Menningarseturs Skagfirðinga

Sveitarstjórinn Ásta Pálmadóttir bauð fundarmenn velkomna og kynnti verkaskiptingu. Formaður Þórdís Friðbjörnsdóttir, varaform. Ólafur Þ. Hallgrímsson, ritari Gunnar Rögnvaldsson. Meðstjórnendur Ásdís Sigurjónsdóttir og Arnór Gunnarsson.

Formaður lagði fram bréf frá Kára Gunnarssyni og Sigfríði Halldórsdóttur Skógarstíg 2 í Varmahlíð þar sem þau fara fram á endurnýjun á lóðaleigusamningi og breytingu á lóðamörkum sk. teikningu ( drög) Nefndin gerir ekki athugasemd við drög að breytingum á lóðamörkum. Formanni falið að ganga frá málinu.

Lagt fram bréf frá Kirkjukór Glaumbæjarprestakalls sem hyggur á menningarferð til Kanada á sumri komandi. Í bréfinu er leitað eftir styrk frá Menningarsetrinu vegna fararinnar. Þar sem Gunnar Rögnvaldsson er í kirkjukór Gaumbæjarsóknar vék hann af fundi meðan málið var afgreitt. Samþykkt að styrkja kórinn um kr. 1.000.000,- eina milljón.

Formaður lagði fram lóðaleigusamning Lnr. 208429 fyrir Reykjarhólsveg 4B, leigutaki Magnús Aadnegaard. Tekur hann þar með við lóð sem ISSS-húsum var úthlutað , en þeir hafa sagt sig frá formlega með bréfi dagsettu 05.05.2010

Formaður lagði fram bréf dagsett 30. sept . 2010 þar sem fjármálastjóri sveitarfélagsins Skagafjarðar Margeir Friðriksson úrskýrir kostnaðarskiptingu vegna viðhalds húss Ferðasmiðjunnar ehf í Varmahlíð, en þar á Menningarsetrið á 21,4% Samkvæmt meðfylgjandi reikningum er hlutur Menningarsetursins kr. 342.000,- Viðhaldið fólst einkum í viðgerð á torfhleðslu og viðarvörn. Formanni falið að ganga frá greiðslu.

Formaður lagði fram sundurliðaðan reikning vegna kostnaðar við merkjagirðingu á milli Reykjarhóls og Grófargils stílaðan af Sigurði Haraldssyni Grófargili. Heildarkostnaður samkv. reikningi er kr. 796.181,- en af því greiðir Menningarsetrið helming 398.090,- og hefur það verið gert, 17.12.2010