Stjórn Menningarseturs Skagfirðinga

Fyrir liggur skýrsla Sveinbjörns Björnssonar um mat á virði heitavatnsréttinda í Reykjarhólslandi. Stjórn samþykkir út frá skýrslunni að leggja til að heitavatnsréttindin verði metin á 25 milljónir króna.

Sesselja Árnadóttir fór yfir drög að kaupsamningi og afsali á eignum Menningarseturs Skagfirðinga. Samþykkt var að kynna drögin fyrir byggðarráði Sveitarfélagsins Skagafjarðar.

Fyrir liggur fyrirspurn frá Vélaval um stækkun lóðar. Stjórnin tekur jákvætt í erindið og samþykkir að senda málið til skipulagslegrar meðferðar hjá Sveitarfélaginu Skagafirði.

Fyrir liggur tillaga frá skipulagsfulltrúa um afmörkun lóðar við Norðurbrún 9b í Varmahlíð. Samþykkt að skipulagsfulltrúi vinni málið áfram í samvinnu við íbúa og hagsmunaaðila.

Fyrir liggur tillaga frá skipulagsfulltrúa um afmörkun lóðar við Laugaveg 19 í Varmahlíð. Samþykkt að skipulagsfulltrúi vinni málið áfram í samvinnu við íbúa og hagsmunaaðila.