Sveitarstjórn Sveitarfélagins Skagafjarðar

Fundargerð 144. fundar landbúnaðarnefndar lögð fram til afgreiðslu á 252. fundi sveitarstjórnar eins og einstök erindi bera með sér. Einar E Einarsson kynnti fundargerð. Enginn kvaddi sér hljóðs.

Sigurður Árnason vék af fundi undir þessum dagskrárlið vegna vanhæfis, inn á fundinn kom í hans stað Hafdís Skúladóttir.

"Sveitarstjórn samþykkir að gengið verði til samningaviðræðna við kaupfélag Skagfirðinga á grundvelli tilboðs þess um fjármögnun og byggingu lokaáfanga Árskóla á Sauðárkróki. Fyrir liggur hagkvæmniathugun og sérfræðiskýrsla vegna sameiningar Árskóla, unnin af KPMG og kynnt var í byggðaráði 24 september sl. Jafnhliða verði leitað til hagdeildar Sambands íslenskar sveitarfélaga og lánasjóðs sveitarfélaga um mat á verkefninu s.s. lánamöguleikum og frekari hagspá á grundvelli skýrslunnar."

Gréta Sjöfn Guðmundsdóttir

Þórdís Friðbjörnsdóttir

Sigríður Björnsdóttir, Bjarni Jónsson, Guðmundur Guðlaugsson, Einar E Einarsson, Gréta Sjöfn Guðmundsdóttir, Bjarni Jónsson, Guðmundur Guðlaugsson, Gísli Sigurðsson, Einar E Einarsson, Jón Sigurðsson, Gréta Sjöfn Guðmundsdóttir, Sigríður Björnsdóttir, kvöddu sér hljóðs

Sigríður Björnsdóttir lagði fram eftirfarandi tillögu frá fulltrúum sjálfstæðisflokksins í sveitarstjórn Sveitarfélagins Skagafjarðar.

"Sveitarstjórn Sveitarfélagins Skagafjarðar samþykkir að leita til hagdeildar Sambands íslenskra sveitarfélaga og Lánsjóðs sveitarfélaga um mat á lánamöguleikum sveitarfélagsins til að byggja við Árskóla og áhrif slíkrar lántöku á fjárhag sveitarfélagsins. Lögð verði til grundvallar skýrsla um sameiningu Árskóla, sem unnin var af KPMG og kynnt í byggðaráði 24. september s.l. "

Bjarni Jónsson lagði fram eftirfarandi bókun:

"Ljóst virðist af skýrslu KPMG að sveitarfélagið ráði ekki við þær fjárskuldbindingar nú sem stækkun Árskóla fæli í sér. Slík skuldsetning ásamt neikvæðri rekstrarniðurstöðu sveitarfélagsins gæti að óbreyttu orðið því ofviða og leitt til mikils niðurskurðar í þjónustu og torveldað möguleika á að sinna örðum verkefnum.

Frumkvæði Kaupfélags Skagfirðinga er hinsvegar lofsvert og athugandi væri hvort ekki gæti staðið vilji til þess að koma til samstarf við sveitarfélagið í smærri og viðráðanlegri verkefnum eins og t.d. viðhaldi mannvirkja í eigu sveitarfélagsins."

Gréta Sjöfn Guðmundsdóttir lagði fram fyrri tillögu með breytingu.

"Sveitarstjórn samþykkir að gengið verði til viðræðna við kaupfélag Skagfirðinga á grundvelli tilboðs þess um fjármögnun og byggingu lokaáfanga Árskóla á Sauðárkróki. Fyrir liggur hagkvæmniathugun og sérfræðiskýrsla vegna sameiningar Árskóla, unnin af KPMG og kynnt var í byggðaráði 24 september sl. Jafnhliða verði leitað til hagdeildar Sambands íslenskar sveitarfélaga og lánasjóðs sveitarfélaga um mat á verkefninu s.s. lánamöguleikum og frekari hagspá á grundvelli skýrslunnar."

Sigríður Björnsdóttir dró í framhaldinu tillögu frá fulltrúum sjálfstæðismanna tilbaka,

Tillaga Grétu Sjafnar Guðmundsdóttur og Þórdísar Friðbjörnsdóttur var borin undir atkvæði, samþykkt með 8 atkvæðum, Bjarni Jónsson óskaði bókað að hann sitji hjá og gerði grein fyrir atkvæði sínu.

Lagt fram bréf, dags. 4. október 2009 frá Vöndu Sigurgeirsdóttur, fulltrúa S-lista, þar sem hún óskar eftir áframhaldandi leyfi frá störfum í félags- og tómstundanefnd, ásamt öðrum störfum í þágu sveitarstjórnar frá 18. sept. 2009 til loka kjörtímabils sveitarstjórnar Skagafjarðar.

Breytingar fulltrúa í nefndum, ráðum og stjórnum vegna leyfis Vöndu Sigurgeirsdóttur:

Guðrún Helgadóttir færist upp og verður 1. varamaður S- lista í Sveitarstjórn.

Þessir aðilar voru tilnefndir í nefndir, ráð og stjórnir:

Byggðaráð Guðrún Helgadóttir varamaður.

Félags og tómstundanefnd Sveinn Allan Morthens aðalmaður

Landsþing Samb.ísl.sveitarfél. Guðrún Helgadóttir, varamaður.

Ársþing SSNV Guðrún Helgadóttir, varamaður.

Aðal- og hluthafafundir Skagafjarðarveitna Guðrún Helgadóttir varamaður.

Verkefnisstjórn sáttmála til sóknar í skólum í Skagafirði Guðrún Helgadóttir varamaður.

Fleiri tilnefningar bárust ekki og skoðast þessir aðilar því rétt kjörnir.

Fundargerð stjórnar SSNV frá 15. september 2009 lögð fram til kynningar á 252. fundi sveitarstjórnar.