Umhverfis- og samgöngunefnd Svf Skagafjarðar

Lagt var fram til kynningar erindi frá Eimskipafélaginu vegna strandsiglinga. Í erindinu kemur fram að skip það sem nú er notað í strandsiglingar geti ekki athafnað sig í Sauðárkrókshöfn vegna dýpis.
Formanni falið ásamt sviðsstjóra að kanna kostnað Hafnarsjóðs vegna dýpkunnar og að fá fund með Samgöngustofu vegna málsins.

Farið var yfir ýmis mál varðandi smábátahöfnina.
Meiri hreyfing virðist vera á flotbyggjunum heldur en gert var ráð fyrir, sérstaklega á þetta við um stærri bryggjuna, öldubrjótinn. Hreyfingin virðist aðallega vera af völdum undiröldu sem nær inni í höfnina.
Samkvæmt mælingum Siglingastofnunnar frá í vor hefur vasi sem dýpkaður var framan við brimbrjótinn fyllst upp með sandi. Samkvæmt þeim sem til þekkja leiðir þetta til þess að alda leitar frekar inn í höfnina.
Ákveðið var að leita til Samgöngustofu vegna þessa.

Lagðar fram til kynningar teikningar af nýjum birgðatönkum og afgreiðsluplani við afgreiðslustöð Skeljungs við Skagfirðingabraut 29. Stefnt er að því að hefja framkvæmdir fljótlega.
Nefndin tekur undir athugasemdir Brunavarna Skagafjarðar sem koma fram í umsögn frá 12. september sl.

Lögð fram til umsagnar teikning vegna malbikunar á Suðurgötu B.
Útboðsgögn eru klár til afhendingar. Gert er ráð fyrir að hefja framkvæmdir í haust og klára framkvæmdina næsta vor með malbikun og yfirborðsfrágangi.

Lögð fram til umsagnar samantekt á kostnaði vegna sorphirðu í sveitarfélaginu árið 2012. Finna þarf leiðir til að sorphirðugjöld standi betur undir kostnaði við sorphirðu. Formanni falið að koma með tillögur um aðgerðir á næstu vikum. Stefnt er á að koma á sameiginlegum fundi Umhverfis- og samgöngunefndar og Landbúnaðarnefndar sem fyrst.

Lögð fram til kynningar umsögn frá Lögreglunni á Sauðárkróki vegna hugmynda um lækkun á hámarkshraða innanbæjar á Skr.
Umsögnin er jákvæð og telur lögreglan að með þessu sé umferðaröryggi aukið til muna.
Nefndin leggur til að hraðatakmarkanir í Hegrabraut, Sæmundarhlíð og Skagfirðingabraut að Ráðhúsi verði 50km og að hámarkshraði í íbúðargötum verði 35km skv. endurskoðuðum drögum.