Umhverfis- og samgöngunefnd Svf Skagafjarðar

Lagt var fyrir fundinn minnisblað frá stjórn Hafnarsambandi Íslands til Innanríkisráðherra varðandi áætlaða viðhalds- og nýframkvæmdaþörf hafnarsjóða.
Í febrúar og mars framkvæmdi Hafnasamband Íslands könnun á viðhalds- og nýframkvæmdaþörf hafna innan sambandsins.
Samkvæmt niðurstöðun könnunarinnar er áætlaður viðhaldskostnaður hafna á árunum 2015 til 2018 um 4,4 milljarðar og nýframkvæmdaþörf á sama árabili um 18,6 milljarðar.
Umhverfis- og samgöngunefnd Sveitarfélagsins Skagafjarðar tekur undir orð stjórnar Hafnasambandsins og vonast til að tekið verði tillit til þeirra hafnarframkvæmda sem nauðsynlegar eru á næstu árum í fjárlagagerð ríkissjóðs fyrir næsta ár.

Lagt var fyrir fundinn tilboð frá KrÓla ehf í nýjar flotbryggjueiningar á Hofsósi.
Tilboðið gerir ráð fyrir 3 x 6m einingum sem festar eru með Seaflex ankerum, samskonar búnaði og notaður er á flotbryggjur á Sauðárkróki. Kostnaður við nýjar einingar er um 7,5 milljónir m/vsk með uppsetningu.
Á fjárhagsáætlun ársins 2015 er gert ráð fyrir 6 milljónum í flotbryggju á Hofsósi.
Kannaður verður möguleiki á sölu á eldri flotbryggjueiningum til að brúa bilið.
Nefndin samþykkir framkvæmdina ef hún rúmast innan fjárhagsáætlunar.

Í samgönguáætlun 2013 til 2016 er gert ráð fyrir framkvæmdum vegna sjóvarnargarða á Reykjum á Reykjaströnd og á Hrauni í Fljótum árið 2015 eins og sjá má í samgönguáætlun.
Ekki var gert ráð fyrir framkvæmdunum á fjárhagsáætlun ársins 2015 þar sem ekki barst tilkynning um að framkvæmdirnar hefðu komist inn á samgönguáætlun.
Heildarkostnaður framkvæmdana er um 9,7 milljónir og þar af er hlutur sveitarfélags um 1.200 þús.
Nefndin óskar eftir viðauka við fjárhagsáætlun ársins 2015 vegna framkvæmdana.

Lagt var fyrir fundinn tilboð frá Vélaverkstæði KS í færslu á gönguhliðum á flotbryggjum á Sauðárkróki.
Sviðsstjóra falið að ganga frá færslu hliðanna á grundvelli tilboðs Vélaverkstæðis KS og tryggja að verkið sé unnið samkvæmt fyrirliggjandi óskum. Verkið verður greitt af rekstrarfé Hafnarsjóðs.

Rætt var um verkefnið Litli - Skógur á vegum Rotaryklúbbs Sauðárkróks.
Sviðstjóra og garðyrkjustjóra falið að funda með Rotary vegna verksins og mögulegar lagfæringar á gömlu sundlauginni. Stefnt er að heildarhönnun á svæðinu í Sauðárgili og kostnaðaráætlun fyrir mögulegar framkvæmdir næstu ára.

Lögð var fram til samþykktar tilkynning frá Vegagerðinni um framlög til Hafnasjóðs Skagafjarðar á samgönguáætlun 2015 til 2018.
Á áætluninni er gert ráð fyrir framlögum frá Ríkissjóði vegna varnargarðs við nýja smábátahöfn á Sauðárkróki.
Hlutur ríkissjóðs í framkvæmdarkostnaði er 60%. Áætlaður heildarkostnaður er 21 milljón.
Umhverfis- og samgöngunefnd staðfestir að Hafnarsjóður er tilbúinn að standa við skuldbindingu sína vegna þessara framkvæmda.

Ákveðið hefur verið að hreinsunarátak í Skagafirði verði helgina16. til 17. maí nk.
Nefndin hvetur alla íbúa og forsvarsmenn fyrirtækja í Skagafirði að taka höndum saman í að bæta umhverfi okkar.
Verkefnið verður auglýst nánar á næstunni.