Umhverfis- og samgöngunefnd Svf Skagafjarðar

383. fundargerð Hafnarsambands Íslands, frá 1. apríl 2016 lögð fram til kynningar.

Fundargerð Heilbrigðisnefndar Norðulands vestra frá 28. apríl 2016 lögð fram til kynningar á 119. fundi umhverfis- og samgöngunefndar 11. maí 2016.

Lagt var fyrir fundinn erindi frá Siglingaklúbbnum Drangey þar sem klúbburinn óskar eftir að fá að setja niður heitan pott við smábátahöfnina við Suðurgarð á Sauðárkróki.
Pottinum er ætlað það hlutverk að þjóna börnum og unglingum á siglinganámskeiðum og öðrum þeim sem heimsækja klúbbin og vilja nýta sér aðstöðu hans. Utan þess tíma sem fyrrgreind notkun kveður á um verður potturinn lokaður með palli sem settur verður yfir hann og honum tryggilega læst.
Nefndin samþykkir erindið fyrir sína hönd en leggur áherslu á að potturinn verði tryggilega læstur utan notkunartíma, gengið verði snyrtilega frá umhverfinu í kring og Siglingaklúbburinn tilgreini ábyrgðaraðila fyrir aðstöðunni.

Lögð var fram til kynningar lokaskýrsla starfshóps um úrgangsmál á vegum sambands íslenskra sveitarfélaga.

Nefndin lýsir yfir vonbrigðum með þingsályktunartillöguna og bendir á að norðvestursvæðið hefur orðið fyrir miklum niðurskurði varðandi samgöngumál bæði í viðhaldi og nýframkvæmdum og hvetur kjörna fulltrúa til að taka málið föstum tökum.

Lagt var fram minnisblað frá Verkfræðistofunni Eflu varðandi gangbrautarljós við Árskóla á Sauðárkróki.
Sviðstjóra falið að koma með tillögu að ljósastýringu við gangbraut.

Rotaryklúbbur Sauðárkróks hefur lýst yfir áhuga á því að vinna að uppbyggingu og endurbótum í Sauðárgili.
Nefndin þakkar klúbbnum áhugann og felur sviðstjóra í samráði við garðyrkjustjóra að skipuleggja verkefnið.

Farið var yfir verklegar framkvæmdir á árinu 2016 sem viðkoma umhverfis- og samgöngunefnd.