Umhverfis- og samgöngunefnd Svf Skagafjarðar

Lögð var fram til kynningar 396. fundargerð stjórnar Hafnasambands Íslands.

Nefndarmönnum voru kynnt málefni sem voru til umræðu á hafnafundi á Húsavík þann 21. sept sl. en fundinn sátu fjórir fulltrúar frá Skagafjarðarhöfnum.

Lögð var fram til kynningar reglugerð um slysavarnir og öryggisbúnað í höfnum en reglugerðin tók gildi í lok júní.

Lagt var fram til kynningar erindi frá sambandi íslenskra sveitarfélaga varðandi málþingið "innanlandsflug sem almenningssamgöngur" sem haldið verðu í Reykjavík þann 4. október nk.

Lagðar voru fram til kynningar fundargerðir Heilbrigðiseftirlits Norðurlands Vestra.

Lagt var fram til kynningar bréf frá Náttúrufræðistofnun Íslands varðandi vistgerðir á Íslandi.
Náttúrufræðistofnun gaf út fyrr á árinu ritið Vistgerðir Íslands og birti jafnframt á vefsjá vistgerðarkort af öllu landinu með það að markmiði að lýsa, kortleggja útbreiðslu og meta verndargildi vistgerða, plantna og dýra.

Lagður fram tölvupóstur frá framkvæmdastjóra SSNV, Birni Líndal, dagsettur 14.september 2017, þar sem segir að stjórn SSNV hafi falið honum að skoða möguleika á sameiginlegri lögreglusamþykkt fyrir öll sveitarfélög á Norðurlandi vestra þ.e. í umdæmi lögreglunnar á Norðurlandi vestra.

Óskað er eftir því að sveitarfélög landshlutans taki afstöðu til þess hvort þau séu fylgjandi því að til verði sameiginleg lögreglusamþykkt fyrir öll sveitarfélögin og sé svo, veiti þau umsögn um meðfylgjandi drög að slíkri samþykkt fyrir lok október n.k.

Meðfylgjandi drög er byggð á reglugerð um lögreglusamþykktir, sjá: https://www.reglugerd.is/reglugerdir/allar/nr/1127-2007, meðfylgjandi drög taka einnig að auki á nokkrum atriðum s.s. þeim sem hafa fylgt fjölgun ferðamanna til landsins.

Lagt var fram til kynningar drög að bréfi frá Sveitarfélaginu Skagafirði og Flokku ehf. til notenda gámastöðva í dreifbýli.
Í bréfinu eru notendur gámastöðvanna hvattir til að ganga snyrtilega um gámana en víða er pottur brotinn í umgengni um þá.

Lögð var fram tillaga að hundasvæði við Borgargerði á Sauðárkróki.
Sviðstjóra falið að leggja fram kostnaðaráætlun vegna svæðisins á næsta fundi.