Umhverfis- og samgöngunefnd Svf Skagafjarðar

Skagafjarðarhafnir yfirlit yfir hafnarstarfsemi 2008 ? Gunnar Steingrímsson hafnarvörður kynnti yfirlit ársins 2008 yfir skipakomur og landaðan afla í Skagafirði. Skipakomum í Sauðárkrókshöfn hefur fækkað milli ára um fjögur skip.Samtals er hér um að ræða 80.969 brúttótonn, var árið 2007 101.852 brúttótonn. Samdráttur er í lönduðum afla um 3016 tonn. Samtals komu rúm 10.467 tonn á land. Í Hofsóshöfn var samdráttur í lönduðum afla 367 brúttótonn. Í Haganesvík voru engar landanir.

Skagafjarðarhafnir gjaldskrárhækkun rafmagnstaxta. Gunnar Steingrímsson gerði grein fyrir að hækkun á taxta RARIK hafi orðið meiri er ráð var fyrir gert þegar rafmagnsverð á Höfninni var hækkað. Farið er fram á 3,5 % hækkun á taxta frá og með 1. mars nk. Umhverfis- og samgöngunefnd fellst á umbeðna hækkun og vísar þessum lið til afgreiðslu Byggðarráðs.

Bláfánaverkefni. Bréf Landverndar 16. desember 2008 lagt fram til kynningar. Bréfið varðar umsókn um Bláfánann.

Sauðárkrókshöfn, Suðurgarður. Jón Örn gerði grein fyrir stöðu mála við framkvæmdir við Suðurgarð. Verkið er nú um það bil hálfnað.

Haganesvíkurhöfn. Jóni Erni falið að láta vinna tillögur að viðgerðum og endurbótum á Haganesvíkurhöfn.

Hólar í Hjaltadal ? hraðatakmarkanir. Erindi Bjarna H. Johansen þjónustustjóra Vr. f.h Vegagerðarinnar lagt fram. Umhverfis- og samgöngunefnd samþykkir erindið eins og það er fyrir lagt.