Veitunefnd Svf Skagafjarðar

Farið var yfir stöðu mála varðandi byggingu nýs vatnstanks á Gránumóum.
Verið er að vinna í umsókn um byggingarleyfi og munu öllum gögnum vegna umsóknar verða skilað inn í vikunni.
Unnið er að útboðsgögnum vegna verksins.

Lögð voru fyrir fundinn skýrslur frá Jarðfræðiþjónustu Hauks Jóhannessonar frá 2011 og 2012 vegna borana á jarðhitaholu við Hverhóla. Samkvæmt jarðfræðingi er lagt til að holan verði dýpkuð frá því sem nú er niður á um 200m dýpi.
Á fjárhagsáætlun 2016 eru 10 milljónir ætlaðar til dýpkunar og könnunar á holunni.
Sviðsstjóra falið að afla tilboða í borun holunnar.

Farið var yfir stöðu mála í mælauppsetningu í þéttbýliskjörnum í Skagafirði.
Búið er að setja upp í allt um 650 mæla.
Uppsetningu mæla er lokið á Hofsósi, í Varmahlíð og á Hólum og búið er að setja upp um 240 mæla á Sauðárkróki.
Áætlaður heildarfjöldi mæla eru um 1.620.

Lögð voru fyrir fundinn uppgjörsdrög vegna lagningu hitaveitu í Depla.
Sviðstjóra falið að klára lokaupgjör við Depla.

Farið var yfir stöðu mála vegna lagningar hitaveitu í Fljótum.
Búið er að tengja 10 staði nú þegar þar sem farið er að nota heita vatnið.
Unnið er að lokafrágangi í dælustöðvum.