Veitunefnd Svf Skagafjarðar

Vinna við gerð fjárhagsáætlana og nýja gjaldskrá fyrir deildir Skagafjarðarveitna er hafin. Í vinnunni er tekið mið af forsendum rammaáætlunar og einnig er rekstur hverrar deildar skoðaður sérstaklega. Drög að gjaldskrám fyrir hitaveitu og kalt vatn kynntar og ræddar. Huga þarf að rekstri veitnanna síðustu árin og þeirri staðreynd að notendum er stöðugt að fjölga. Einnig þarf að styrkja kaldavatnsveitu á Sauðárkróki.

Ljóst er að talverðra framkvæmda er þörf á næstu árum hjá Skagafjarðarveitum. Veitunefnd felur sviðsstjóra veitu- og framkvæmdasviðs í samstarfi við starfsmenn veitnanna að halda áfram vinnunni við fjárhagsáætlunina og skal sú vinna taka mið af framtíðarhorfum á stækkun og útbreiðslu veitnanna.

Árni Egilsson skrifstofustjóri sat þennan lið.

Atvinnu- og nýsköpunarráðuneytið óskaði eftir samráði við veitur sveitafélganna og umsögn vegna málefnisins og var umsagnarfrestur til 12.10.2021. Ráðgjafaráð veitufyrirtækja innan Samorku sendi inn umsögn og fagnar þessum breytingum sem eru til þess fallnar að skerpa á umgjörðinni um kerfisframlag vegna nýrra tenginga við dreifikerfið.

Sviðsstjóri fór yfir málið með fundarmönnum.

Lögð var fram tillaga um 4,5% hækkun á gjaldskrá hitaveitu fyrir árið 2022.

Hækkunin er til komin vegna verðlagsbreytinga og fyrirsjáanlegs taprekstrar á árinu sem er að líða. Einnig er ljóst að talsverðra viðhaldsframkvæmda er þörf á næstu árum.

Veitunefnd samþykkir framlagða gjaldskrá og vísar henni til afgreiðslu byggðarráðs.

Árni Egilsson skrifstofustjóri sat þennan lið.