Flutningur leikskóla í grunnskólann

Skólastjórar Birkilundar og Varmahlíðarskóla kynntu hugmyndir sínar um flutning leikskólans í grunnskólann. Markmið flutningsins er annars vegar að auka nýtingu grunnskólahúsnæðisins, samnýtingu tækja, tóla og mannauðs og jafnframt að auka faglega samfellu í námi barna í leik- og grunnskóla. Samstarfsnefnd felur skólastjórum, fræðslustjóra og forstöðumanni eignasjóðsað að vinna áfram að hönnun húsnæðisins og framkvæmd málsins í samráði við samstarfsnefnd og fræðslunefnd Sveitarfélagsins Skagafjarðar.

Farið yfir stöðu mála varðandi skoðun á sameiningu leik-og grunnskóla.

Kynntar voru hugmyndir að þeim breytingum sem gera þarf á skólahúsnæði grunnskólans svo koma megi leikskólanum þar fyrir. Samstarfsnefnd felur starfsmönnum að vinna áfram með málið.

Guðmundur Þór Guðmundsson, kynnti hugmyndir að þeim breytingum sem gera þarf á Varmahlíðarskóla til þess að koma megi leikskólanum þar fyrir. Fram kom að samstarfsnefnd Sveitarfélagsins Skagafjarðar og Akrahrepps hefur fjallað um málið og falið starfsmönum að vinna áfram að málinu. Fræðslunefnd fagnar fram komnum hugmyndum og tekur undir bókun samstarfsnefndar.

Kynntar voru teikningar að breytingum á skólahúsnæði grunnskólans sem gera ráð fyrir því að leikskólinn Birkilundur flytjist í grunnskólann. Samstarfsnefnd samþykkir þær tillögur sem liggja fyrir um breytingar á grunnskólahúsnæðinu sem og áfangaskiptingu framkvæmdanna. Næsta skref er að kostnaðarreikna breytingarnar. Endanleg ákvörðun þarf að liggja fyrir í þessum mánuði svo nýta megi sumarið til framkvæmda við 1. áfanga sem lúta aðallega að breytingum á nemendainngangi og fatahengi grunnskólans.

Fundargerð 14. fundar Samstarfsnefndar með Akrahreppi staðfest á 290. fundi sveitarstjórnar með níu atkvæðum.