Samstarfsnefnd með Akrahreppi

Farið yfir kostnaðaráætlun vegna fyrirhugaðra breytinga, einnig skoðaðar tillögur starfshóps skólans varðandi breytingar á innra skipulagi Varmahlíðarskóla. Samþykkt að fá nánari útlistun á fyrirhugaðri lóð leikskólans við Varmahlíðarskóla og á því hagræði sem hlýst við að færa leikskólann. Samþykkt að setja tvo nýja glugga á vesturálmu, suður-og vesturhlið á þriðju hæð.

Lagt fram kauptilboð frá Sigrúnu Benediktsdóttur og Ara Jóhanni Sigurðssyni. Samstarfsnefnd hafnar tilboðinu og samþykkir að gera þeim gagntilboð. Sveitarstjóra Sveitarfélagsins Skagafjarðar falið að svara erindinu.

Samstarfsnefnd samþykkir ráðningasamning við skólastjóra Varmahlíðarskóla.

Lagt fram bréf frá stjórn foreldrafélags barna við Leikskólann Birkilund. Samstarfsnefnd samþykkir að bjóða foreldrum til fundar þegar endanlegar tillögur um hönnun á húsnæði og lóð liggja fyrir.