Sveitarstjórn Sveitarfélagins Skagafjarðar

Fundargerð 587. fundar byggðarráðs lögð fram til afgreiðslu á 289. fundi sveitarstjórnar eins og einstök erindi bera með sér. Stefán Vagn Stefánsson kynnti fundargerð. Jón Magnússon kvaddi sér hljóðs og lagði fram bókun vegna dagskrárliðar 1.9 Blöndulína 3 - Mat á umhverfisáhrifum. Einnig tóku til máls Sigurjón Þórðarson, Stefán Vagn Stefánsson og Viggó Jónsson.

Fundargerð 588. fundar byggðarráðs lögð fram til afgreiðslu á 289. fundi sveitarstjórnar eins og einstök erindi bera með sér. Stefán Vagn Stefánsson kynnti fundargerð. Sigurjón Þórðarson, Stefán Vagn Stefánsson, Þorsteinn T. Broddason og Stefán Vagn Stefánsson kvöddu sér hljóðs.

Fundargerð 589. fundar byggðarráðs lögð fram til afgreiðslu á 289. fundi sveitarstjórnar eins og einstök erindi bera með sér. Stefán Vagn Stefánsson kynnti fundargerð. Enginn kvaddi sér hljóðs.

Fundargerð 590. fundar byggðarráðs lögð fram til afgreiðslu á 289. fundi sveitarstjórnar eins og einstök erindi bera með sér. Stefán Vagn Stefánsson kynnti fundargerð. Sigurjón Þórðarson kvaddi sér hljóðs og lagði fram bókun við dagkrárlið 4.8 Sorphirða 2012 - Umfang og staða. Einnig kvaddi sér hljóðs Sigríður Magnúsdóttir.

Fundargerð 82. fundar atvinnu- og ferðamálanefndar lögð fram til afgreiðslu á 289. fundi sveitarstjórnar eins og einstök erindi bera með sér. Viggó Jónsson kynnti fundargerð og lagði fram bókun vegna dagskrárliðar 5.3 Atvinnulífssýning í Skagafirði 2012. Einnig kvöddu sér hljóðs Sigurjón Þórðarson, Þorsteinn T. Broddason, Jón Magnússon, Viggó Jónsson og Þorsteinn T. Broddason.

Fundargerð 184. fundar félags- og tómstundanefndar lögð fram til afgreiðslu á 289. fundi sveitarstjórnar eins og einstök erindi bera með sér. Bjarki Tryggvason kynnti fundargerð. Enginn kvaddi sér hljóðs.

Fundargerð 160. fundar landbúnaðarnefndar lögð fram til afgreiðslu á 289. fundi sveitarstjórnar eins og einstök erindi bera með sér. Sigríður Magnúsdóttir kynnti fundargerð. Enginn kvaddi sér hljóðs.

Fundargerð 63. fundar menningar- og kynningarnefndar lögð fram til afgreiðslu á 289. fundi sveitarstjórnar eins og einstök erindi bera með sér. Sigríður Magnúsdóttir kynnti fundargerð. Sigurjón Þórðarson kvaddi sér hljóðs og lagði fram bókun við dagskrárlið 8.9 Ósk um rökstuðning.

Fundargerð 73. fundar umhverfis- og samgöngunefndar lögð fram til afgreiðslu á 289. fundi sveitarstjórnar eins og einstök erindi bera með sér. Sigríður Magnúsdóttir kynnti fundargerð. Sigurjón Þórðarson, Sigríður Magnúsdóttir og Þorsteinn T. Broddason kvöddu sér hljóðs.

Ásta B. Pálmadóttir sveitarstjóri lagði fram svohljóðandi tillögu að bókun:

Í lögum um starfsleyfi fyrir urðunarstað er gerð krafa um að starfsleyfishafi framvísi tryggingu um fjárhagslega ábyrgð fyrir að staðið verði við þær skyldur sem starfsleyfinu fylgja sbr. 17. gr. reglugerðar nr. 738/2003. Sveitarfélagið Skagafjörður ábyrgist að staðið verði við allar þær skyldur sem starfsleyfi fyrir urðunarstað á Skarðsmóum fylgja, þar á meðal um lokunaraðgerðir og eftirlit í kjölfar lokunar urðunarstaðarins, sbr. 31.gr. laga nr. 55/2003. Ábyrgð þessi gildir allt að 30 árum eftir að urðunarstaðnum hefur verið lokað.

Til máls tóku Jón Magnússon, Ásta B. Pálmadóttir, Sigurjón Þórðarson

Forseti bar bókunina upp til samþykktar og var hún samþykkt með níu atkvæðum.

Kristján Jónasson löggiltur endurskoðandi hjá KPMG fór yfir og kynnti ársreikninginn á sérstökum fundi, sem haldinn var á undan fundi byggðarráðs þann 26. apríl s.l., með sveitarstjórn. Ársreikningi sveitarfélagsins og stofnana þess var vísað frá 590. fundi byggðarráðs til fyrri umræðu í sveitarstjórn.

Sveitarstjóri, Ásta B. Pálmadóttir kynnti ársreikning sveitarfélagsins og stofnana þess og lagði fram greinargerð sína.

Til máls tók Sigurjón Þórðarson sem lagði fram svohljóðandi bókun:

Niðurstaða reikninga sýna að áætlangerð meirihluta Vg og Framsóknarflokks hefur því miður brugðist en niðurstaðan er talsvert lakari en fjárhagsáætlanir gerðu ráð fyrir. Það sem af er þessu ári hefur verðbólgan verið vaxandi og þar af leiðandi hækkað verðbóta og vaxtakostnað sveitarfélagsins eins og sjá má í rekstraryfirliti . Reikningarnir bera það með sér að það eina rétta í stöðunni sé staldra við og endurmeta núverandi rekstraráætlanir en forsendur þeirra eru augljóslega brostnar. Það er í raun galið að ætla að fara í stórframkvæmdir fyrr en að jafnvægi hefur náðst í rekstrinum en óbreytt stefna kemur sveitarfélaginu í mikla skuldakreppu.

Næst tók til máls Jón Magnússon og óskar bókað:

Ársreikningur Sveitarfélagsins Skagafjarðar sýnir glöggt að varnarorð Sjálfstæðismanna allt frá upphafi yfirstandandi kjörtímabils hafa átt við rök að styðjast. Rekstrarniðurstaðan árið 2011 er ein sú dapurlegasta sem fram hefur komið um árabil. Meirihluta Framsóknarmanna og VG hefur algerlega mistekist að ná tökum á rekstri sveitarfélagsins. Íbúar Skagafjarðar munu þurfa að greiða fyrir óráðsíu þessa meirihluta á komandi árum með skertri þjónustu og vaxandi skuldum. Fyrirætlanir um aðhald í rekstri eru aðeins orðin tóm og heldur léttvæg í þurra sjóði sveitarfélagsins. Sjálfstæðismenn lýsa enn á ný miklum efasemdum um getu núverandi meirihluta til að ná tökum á rekstri Sveitarfélagsins Skagafjarðar.

Ásta B. Pálmadóttir tók til máls.

Forseti bar upp ársreikninga sveitarfélagsins og stofnana þess vegna ársins 2011, í einu lagi og var samþykkt með níu atkvæðum að vísa ársreikningnum til síðari umræðu í sveitarstjórn.

Fundargerð stjórnar Skagafjarðarveitna frá 28. mars 2012 lögð fram til kynningar á 289. fundi sveitarstjórnar.

Fundargerðir Heilbrigðiseftirlits Norðurlands vestra frá 13. mars og 24. apríl 2012 lagðar fram til kynningar á 289. fundi sveitarstjórnar.

Fundargerð aðalfundar Ferðasmiðjunnar frá 22. mars 2012 lagður fram til kynningar á 289. fundi sveitarstjórnar.