Stuðningsverkefni vegna innleiðingar heimsmarkmiðanna í sveitarfélögum

Lagt fram bréf dagsett 17. september 2021 frá Sambandi sveitarfélaga til allra sveitarfélaga varðandi innleiðingu Heimsmarkmiða Sameinuðu þjóðanna í íslenskum sveitarfélögum, stuðningsverkefni frá hausti 2021 til vors 2022. Samband íslenskra sveitarfélaga hefur fengið styrk úr Jöfnunarsjóði sveitarfélaga til að styðja við innleiðingu heimsmarkmiðanna í sveitarfélögum á grundvelli verkfærakistu um heimsmarkmiðin fyrir sveitarfélög sem kom út í maí 2021. Umsókn um þátttöku skal hafa borist fyrir 15. október n.k. og styðjast við samþykkt sveitarstjórnar.
Byggðarráð samþykkir að fela sveitarstjóra að sækja um þátttöku í verkefninu. Einnig samþykkir byggðarráð að fulltrúar sveitarfélagsins verði Gísli Sigurðsson formaður byggðarráðs og Sigfús Ingi Sigfússon sveitarstjóri.

Lagt fram til kynningar bréf dags. 12. júlí 2022, frá Sambandi íslenskra sveitarfélaga, þar sem fulltrúum þeirra sveitarfélaga sem tóku þátt í samstarfi um innleiðingu Heimsmarkmiða Sameinuðu þjóðanna er boðið til upplýsinga- og samráðsfundar í lok ágúst nk. Á fundinum verður farið yfir framgang og stöðu innleiðingar heimsmarkmiðanna í þátttökusveitarfélögunum og rætt um möguleika til áframhaldandi stuðnings og samstarfs.

Lagt fram bréf dagsett 12. júlí 2022 frá Sambandi íslenskra sveitarfélaga til sveitarfélaga sem voru þátttakendur í stuðningsverkefni um innleiðingu heimsmarkmiðanna í sveitarfélögum frá hausti 2021 til vors 2022. Sambandið vill bjóða fulltrúum þessara sveitarfélaga til upplýsinga- og samráðsfundar þann 31. ágúst 2022, um framhald samstarfs um innleiðingu Heimsmarkmiða Sameinuðu þjóðanna. Eva Magnúsdóttir framkvæmdastjóri Podium tók þátt í fundinum í gegnum fjarfundabúnað.