Boðið er upp á lengda viðveru eða heilsdagsskóla í grunnskólum Skagafjarðar.
Starfstími skólanna í Skagafirði er 9½ mánuður.
Þeir hefja starfið upp úr 20. ágúst og skólaslit eru víðast í lok maí eða byrjun júní.
Árvist
Árvist er frístundaheimili í húsnæði Árskóla fyrir nemendur í 1.-4. bekk skólans.
Í Árvist er lögð áhersla á:
*Hlýlegt og öruggt umhverfi.
*Frjálsan og skapandi leik þar sem börnin velja sjálf viðfangsefni.
*Góð samskipti þar sem við berum virðingu fyrir okkur sjálfum, öðrum og umhverfi okkar.
Skráning í Árvist fer fram í maí ár hvert, hægt er að sækja um á heimasíðu skólans, nálgast eyðublöð í Árvist eða hjá ritara Árskóla. Umsóknin gildir einungis fyrir komandi/núverandi skólaár.
Daglegur opnunartími Árvistar er frá kl. 13:10-16:30.
Viðverutími í Árvist getur verið allt frá 1 klst. til 17.5 klst. á viku. Ef breyta á vistun eða segja upp plássi þarf að gera það með tveggja vikna fyrirvara.
Árvist er opin á starfs- og foreldraviðtalsdögum skólans og í vetrarfríum frá kl. 8:00-16:00. Sérstök skráning fer fram á þessum dögum og þeir eru greiddir sér. Lokað er í jóla- og páskafríum og á fræðsludegi sveitafélagsins sem haldinn er í ágúst ár hvert.
Við í Árvist erum í samstarfi við UMF Tindastól og geta því börnin sótt íþróttaæfingar í sínum viðverurtíma. Auk aðstöðunnar sem við höfum í kjallara skólans nýtum við einnig útisvæði skólans,matsal, bókasafn, tónmenntastofu og íþróttahús þegar færi gefst.
Árvist lokar eftir skólaslit og opnar aftur um miðjan ágúst.
