Innviðaráðuneytið kynnir til samráðs mál nr. 128/2022, „Áform um frumvarp til laga um uppbyggingu og rekstur flugvalla og veiting flugleiðsöguþjónustu“. Umsagnarfrestur er til og með 29.07.2022. Byggðarráð Skagafjarðar gerir athugasemdir við tímasetningu birtingar á drögum að frumvarpi til nýrra laga. Drögin eru birt á þeim tíma þegar flestir eru í sumarleyfum og umsagnarfrestur er gefinn í rúmar 2 vikur. Byggðarráð Skagafjarðar leggur áherslu á að við breytingar á lögum um uppbyggingu og rekstur flugvalla og veitingu flugleiðsöguþjónustu verði ekki eingöngu horft til viðhalds og uppbyggingar flugvalla í Keflavík, Reykjavík, á Akureyri og Egilsstöðum, heldur einnig annarra flugvalla eins og Alexandersflugvallar á Sauðárkróki. Alexandersflugvöllur er einn besti flugvöllur landsins með tilliti til flugtæknilegra skilyrða og hefur þjónað hlutverki í bæði fólksflutningum og vöruflutningum frá Íslandi og til annarra landa, auk áætlunarflugs innanlands og sem kennsluflugvöllur. Aukið viðhald og efling Alexandersflugvallar er í samræmi við Grænbók um flugstefnu Íslands þar sem fram kemur að bæta þurfi aðgengi að aðstöðu flugvallarins.
Byggðarráð Skagafjarðar gerir athugasemdir við tímasetningu birtingar á drögum að frumvarpi til nýrra laga. Drögin eru birt á þeim tíma þegar flestir eru í sumarleyfum og umsagnarfrestur er gefinn í rúmar 2 vikur.
Byggðarráð Skagafjarðar leggur áherslu á að við breytingar á lögum um uppbyggingu og rekstur flugvalla og veitingu flugleiðsöguþjónustu verði ekki eingöngu horft til viðhalds og uppbyggingar flugvalla í Keflavík, Reykjavík, á Akureyri og Egilsstöðum, heldur einnig annarra flugvalla eins og Alexandersflugvallar á Sauðárkróki. Alexandersflugvöllur er einn besti flugvöllur landsins með tilliti til flugtæknilegra skilyrða og hefur þjónað hlutverki í bæði fólksflutningum og vöruflutningum frá Íslandi og til annarra landa, auk áætlunarflugs innanlands og sem kennsluflugvöllur. Aukið viðhald og efling Alexandersflugvallar er í samræmi við Grænbók um flugstefnu Íslands þar sem fram kemur að bæta þurfi aðgengi að aðstöðu flugvallarins.