Opnað fyrir umsóknir um framlög til sértækra verkefna sóknaráætlanasvæða - C1

Lagður fram tölvupóstur, dagsettur 9. nóvember 2023, frá framkvæmdastjóra Samtaka sveitarfélaga á Norðurlandi vestra þar sem tilkynnt er að búið sé að opna fyrir umsóknir um framlög til sértækra verkefna sóknaráætlanasvæða. Framlögin eru veitt á grundvelli stefnumótandi byggðaáætlunar fyrir árin 2022-2036.
Umsóknarfrestur er til miðnættis mánudagsins 22. janúar 2024.
Byggðarráð felur sveitarstjóra að undirbúa umsóknir í sjóðinn.

Málið var áður á dagskrá 70. fundar byggðarráðs Skagafjarðar.
Undir þessum dagskrárlið mættu til fundarins Hólmfríður Sveinsdóttir rektor Háskólans á Hólum og Magnús Barðdal verkefnisstjóri fjárfestinga hjá Samtökum sveitarfélaga á Norðurlandi vestra.
Byggðarráð samþykkir að koma á framfæri við SSNV áherslu Skagafjarðar á verkefni vegna uppbyggingar iðngarða og þekkingarseturs í tengslum við starfsemi Háskólans á Hólum, á Sauðárkróki, og að sótt verði um framlag til sértækra verkefna sóknaráætlanasvæða - C1.