Fræðslunefnd Svf. Skagafjarðar

Fræðslustjóri kynnti umbætur í leikskólanum Ársölum og sagði frá breytingum sem hafa verið innleiddar og það sem framundan er. Nefndin fagnar þessum umbótum og hlakkar til að fá að fylgjast með framvindu verkefnisins.

Ályktun bæjarráðs Árborgar lögð fram til kynningar. Hún fjallar um þau stóru verkefni sem framundan eru í fjölgun leikskólarýma í landinu með hliðsjón af lengingu fæðingarorlofs í 12 mánuði.

Sjálfsmatsskýrslur leikskólanna lagðar fram til kynningar. Heilt yfir eru niðurstöður kannana mjög jákvæðar fyrir starfsemi leikskólanna. Fræðslunefnd þakkar það góða starf sem unnið er í leikskólum Skagafjarðar.

Starfsáætlanir leikskólanna lagðar fram til kynningar.

Kynntar voru niðurstöður ytra mats Menntamálastofnunar í umboði menntamálaráðuneytisins og Sambands íslenskra sveitarfélaga á starfi Varmahlíðarskóla. Ytra mat þetta er framkvæmt í samræmi við grunnskólalög. Heilt yfir kemur matið mjög vel út og skólastarf er til mikillar fyrirmyndar samkvæmt niðurstöðum matsins. Fræðslunefnd þakkar gott skólastarf sem unnið er í Varmahlíðarskóla.

Sviðstjóri kynnti starfsemi og skipulag fjölskyldusvið sem og starfsáætlun næsta árs.