Skólahald í Skagafirði 2012-2013 og 2013-2014

Afgreiðsla 78. fundar fræðslunefndar staðfest á 290. fundi sveitarstjórnar með níu atkvæðum.

Þann 16. maí s.l. var haldinn fundur með starfsmönnum Grunnskólans austan Vatna og leikskólastjóra Tröllaborgar, þar sem kynntar voru tillögur að breytingum á skólahaldi austan Vatna. Ekki vannst tími til að funda með starfsmönnum leikskólans og foreldrum beggja skólastiganna og er lagt til að fundir með þeim verði haldnir í lok ágúst. Jafnframt er lagt til að hagsmunaaðilum verði gefinn kostur á að koma með breytingatillögur eða nýjar tillögur að fyrirkomulagi skólahalds sem taki gildi skólaárið 2013-2014. Vegna faglegs undirbúnings að breytingum er lögð áhersla á að ákvörðun liggi fyrir ekki síðar en í lok október 2012.

Afgreiðsla 79. fundar fræðslunefndar staðfest á 291. fundi sveitarstjórnar með níu atkvæðum.