Umsókn um stofnframlag til leiguíbúða

Lögð fram umsókn frá Skagfirskum leiguíbúðum hses., dagsett 14. október 2016 um stofnframlag og viðbótarframlag frá Sveitarafélaginu Skagafirði til byggingar átta leiguíbúða sbr. lög um almennar íbúðir nr. 52/2016.

Byggðarráð samþykkir að leggja fram stofnframlag til Skagfirskra leiguíbúða hses. til byggingar tveggja fjölbýlishúsa, samtals átta íbúðir, í formi niðurfellingar á lóða- og gatnagerðargjöldum á grundvelli laga um almennar íbúðir nr. 52/2016.

Byggðarráð samþykkir að stofnframlag og viðbótarframlag frá Sveitarfélaginu Skagafirði til byggingar átta leiguíbúða á vegum Skagfirskra leiguíbúða hses. verði annars vegar á formi niðurfellingar á lóða- og gatnagerðargjöldum og hins vegar með beinu viðbótarfjárframlagi til að mæta kröfu um 16% hlutfall stofnframlags (12% stofnframlag og 4% viðbótarframlag) sveitarfélagsins af stofnvirði íbúðanna.