Ræktunarland - Guðmundur Sveinsson

Lagt fram bréf dagsett 23. mars 2017 frá Auði Steingrímsdóttur og Guðmundi Sveinssyni þar sem þau óska eftir að fá til notkunar og leigu ræktunarland í eigu sveitarfélagsins með landnúmer 143992 og fastanúmer 213-2632, vegna áforma sveitarfélagsins að taka land sem þau hafa í dag, undir nýtt byggingarland. Landið sem þau óska eftir er í landi sveitarfélagsins sunnan í Áshildarholti og liggur niður að Áshildarholtsvatni.

Byggðarráð tekur vel í erindið og felur sveitarstjóra að afla frekari gagna og gera drög að samkomulagi um landskipti.

1703358 - Ræktunarland - Guðmundur Sveinsson

Málið áður á dagskrá Byggðarráð Skagafjarðar 4.5.2017. Þar bókað:

„Lagt fram bréf dagsett 23. mars 2017 frá Auði Steingrímsdóttur og Guðmundi Sveinssyni þar sem þau óska eftir að fá til notkunar og leigu ræktunarland í eigu sveitarfélagsins með landnúmer 143992 og fastanúmer 213-2632, vegna áforma sveitarfélagsins að taka land sem þau hafa í dag, undir nýtt byggingarland. Landið sem þau óska eftir er í landi sveitarfélagsins sunnan í Áshildarholti og liggur niður að Áshildarholtsvatni. Byggðarráð tekur vel í erindið og felur sveitarstjóra að afla frekari gagna og gera drög að samkomulagi um landskipti.“
Fyrir liggur tillaga að afmörkun lóðarinnar Ræktunarland með landnúmerið 143992, dagsett 20.03.2020.
Lóðin er við norð-vestanvert Áshildarholtsvatn við nefnda Garðsendavík.

Skipulags- og byggingarnefnd samþykkir erindið eins og það er fyrir lagt og felur skipulagsfulltrúa að vinna málið áfram og gera drög tillögu að lóðarleigusamningi.