Trúnaðarmál

Tekið fyrir erindi um að flytja nemanda á milli skóla í Sveitarfélaginu Skagafirði. Fyrir nefndina var lagt minnisblað fræðslustjóra um málið þar sem m.a. er vísað í málsgögn.

Eftir ítarlegt samráð við sérfræðinga er niðurstaða fræðslustjóra eftirfarandi:

,,Í þeim gögnum sem aflað hefur verið kemur fram að þótt líklegt megi teljast að rekja megi tíð yfirlið og mikinn kvíða A til meints brots gegn stúlkunni og að henni líði illa í návist B, er erfitt að færa sönnur á að atvik það sem átti sér stað í Árskóla í febrúar 2016 sé eini orsakavaldurinn. Skv. upplýsingum Árskóla virðist hegðun B frá því er atvikið átti sér stað, ekki gefa tilefni til að honum sé vísað úr Árskóla skv. ákvæðum 14. greinar laga nr. 91/2008 og ákvæðum reglugerðar nr. 1040/2011. Ekki verður því séð að fræðslunefnd Sveitarfélagsins Skagafjarðar hafi heimild til að flytja B í annan skóla á grundvelli erindis foreldra A."

Að öðru leyti tekur fræðslunefnd undir niðurstöður fræðslustjóra sem fram koma í minnisblaðinu sem dagsett er 12. janúar 2018. Tekið skal fram að þessi niðurstaða var borin undir lögfræðing Sambands íslenskra sveitarfélaga.

Lagt er til að sérfræðingar sveitarfélagsins ásamt fulltrúum Árskóla fundi með foreldrum A til að fara betur yfir allar mögulegar leiðir í námi og félagslegri aðstoð við stúlkuna.

Lagt fram eitt mál. Niðursstaða færð í trúnaðarbók.