Skólaakstur útboð 2018-2019

Kynnt var fyrirkomulag það sem nú er viðhaft í skólaakstri í Skagafirði. Jafnframt var lagt fram minnisblað um ýmis álitaefni varðandi fyrirhugað útboð á akstrinum. Málinu frestað til næsta fundar.

Lögð fram tillaga um að skólaakstur verði boðinn út til næstu 5 ára, frá ágúst 2018 til maíloka 2023.
Samhliða útboðinu verða gildandi reglur um skólaakstur í dreifbýli Sveitarfélagsins Skagafjarðar og reglur um flutning á milli skóla endurskoðaðar.
Óskað verður eftir því að Stoð ehf. verkfræðistofa á Sauðárkróki annist framkvæmd útboðsins og að höfð verði hliðsjón af útboðsgögnum frá árinu 2013 sem Stoð ehf. annaðist.
Sviðsstjóri fjölskyldusviðs og sviðsstjóri veitu- og framkvæmdasviðs og starfsmenn þeirra vinna náið með Stoð ehf.
Við vinnslu útboðsgagna skal hafa hliðsjón af gildandi lögum og reglugerðum eins og við á. Þá skal haft samráð við VÍS tryggingarfélag vegna trygginga og öryggismála.
Í útboðsgögnum verða aðalleiðir og undirleiðir skilgreindar. Lagt er til að heimilt verði að bjóða verð í heildarakstur, svæðaakstur eða einstakar leiðir. Sá fyrirvari er gerður að í einhverjum tilvika verði hugsanlega samið beint við foreldra um akstur.
Tillagan samþykkt.

Kynnt voru útboðsgögn ásamt endurskoðuðum reglum Sveitarfélagsins Skagafjarðar um skólaakstur í dreifbýli Skagafjarðar 2018-2023. Gögnin verða tilbúin til afhendingar föstudaginn 11. maí næstkomandi í Ráðhúsinu, Skagfirðingabraut 21, Sauðárkróki og skal tilboðum skilað á sama stað eigi síðar en kl. 13:30 þriðjudaginn 29. maí 2018 og verða þau opnuð þar í samræmi við kafla 2.5 í ÍST30. Sjá nánar í útboðsgögnum. Fræðslunefnd samþykkir útboðsgögnin.

Skólaakstur í dreifbýli útboð 2018.
Á grundvelli útboðs á skólaakstri í dreifbýli Sveitarfélagsins Skagafjarðar til næstu 5 ára, frá ágúst 2018 til maíloka 2023, sem hófst þann 11. maí s.l, var ákveðið að ganga til samninga við eftirfarandi:
Björn S. Jónsson, leiðir 1.1-1.2
Birgir þórðarson, leiðir 2.1-2.2
HBS ehf., leiðir 3.1-3.2, 4.1-4.4 og 7.1-7.2
Indriði Stefánsson, leiðir 6.1-6.4
Haraldur Þór Jóhannsson, leiðir 8.1 og 9.1-9.2
María Númadóttir, leið 10.2
Magnús Pétursson, leiðir 9.3, 10.1 og 10.3
Birgir Hauksson, Valagerði - Varmahlíð
Fræðslunefnd þakkar starfsmönnum fjölskyldusviðs fyrir vel unnið útboð með öryggi barna í fyrirrúmi. Nefndin fagnar hertum öryggisreglum í skólaakstri. Nefndin samþykkir samninga við ofangreinda bílstjóra.
Auður Björk Birgisdóttir vék af fundi við afgreiðslu þessa liðar.
Jóhanna Ey Harðardóttir óskar bókað að hún taki ekki þátt í afgreiðslu þessa liðar.