Tilkynning um riðusmit

Lagður fram til kynningar tölvupóstur dagsettur 12. september 2018 frá Jóni Kolbeini Jónssyni héraðsdýralækni Norðurlands vestra, þar sem tilkynnt er um staðfestan grun um klassíska riðu á bænum Vallanesi, 561 Varmahlíð.
Landbúnaðarnefnd harmar að upp hafi komið riðusmit í Vallanesi og vill óska eftir því að Jón Kolbeinn Jónsson komi á fund nefndarinnar til að ræða riðumál almennt.

Jón Kolbeinn Jónsson, héraðsdýralæknir kom á fundinn til viðræðu um riðumál.
Landbúnaðarnefnd fagnar því að MAST er farið að leggja drög að því að kortleggja gamlar riðugrafir og þekkt riðusvæði með það að markmiði að greina áhættu riðusmits.