Umsögn um tillögu til þingsályktunar um fimm ára samgönguáætlun fyrir árin 2019 - 2023 , 172. mál.

Lögð var fyrir fundinn ósk um umsögn um tillögu til þingsályktunar um fimm ára samgönguáæltun fyrir árin 2019 til 2023.
Tillagan gerir ráð fyrir eftirfarandi framlögum til framkvæmda í Sveitarfélaginu Skagafirði:
Skagafjarðarhafnir með 264,3 milljóna framlag (75% af kostnaði). Þar af eru 95,6 milljónir fyrir Hofsóshöfn og 168,7 milljónir vegna Sauðárkrókshafnar. Gert ráð fyrir 9,6 milljóna framlagi vegna viðhaldsdýpkun í Sauðárkrókshöfn.
Gert er ráð fyrir 21,1 milljóna framlagi vegna sjóvarna á Hofsósi vegna landbrots vestan við Suðurbraut.
Í ljósi aukinna umsvifa í Sauðárkrókshöfn þarf að fara í hönnun á stækkun hafnarinnar og mun sveitarfélagið óska eftir framlögum úr ríkissjóði þar að lútandi.
Umhverfis- og samgöngunefnd ítrekar mikilvægi þess að Sauðárkróksflugvöllur tilheyri áfrram grunnneti flugvalla en ekki er gert ráð fyrir framlögum til flugvallarins.
Nefndin harmar það að ekki sé gert ráð fyrir beinum framlögum til uppbyggingar malarvega með bundnu slitlagi í sveitarfélaginu.

Lagður fram til tölvupóstur dagsettur 12. október 2018 frá nefndasviði Alþingis þar sem umhverfis- og samgöngunefnd Alþingis sendir til umsagnar tillögu til þingsályktunar um fimm ára samgönguáætlun fyrir árin 2019 - 2023 , 172. mál.
Lögð fram drög að umsögn byggðarráðs.
Byggðarráð samþykkir að fela sveitarstjóra að senda inn umrædd drög að umsögn um tillöguna um samgönguáætlunina.