Sauðárkrókslína 1 og 2 - Umsókn um framkvæmdaleyfi.

Jens Kristinn Gíslason verkefnisstjóri hjá Landsnet sækir fh. Landsnets hf., um framkvæmdaleyfi fyrir lagningu 66 kV jarðstrengs, Sauðárkrókslínu 2, sem er um 23 km jarðstrengur milli Varmahlíðar og Sauðárkróks. Jafnframt er sótt um framkvæmdaleyfi fyrir Sauðárkrókslínu 1, sem er 1,2 km 66 kV jarðstrengur milli fyrirhugaðs tengivirkis við Borgarteig 10b og tengivirkis ofan Kvistahlíðar. Sótt eru um leyfin á grundvelli 13 gr. skipulagslaga nr. 123/2010 og reglugerðar um framkvæmdaleyfi nr. 772/2016. Meðfylgjandi gögn gera grein fyrir erindinu. Skipulags- og byggingarnefnd leggur til að framkvæmdaleyfi verið veitt og að skipulags- og byggingarfulltrúa verði falið að gefa út framkvæmdaleyfi að fengnu samþykki sveitarstjórnar.

Tekin er fyrir umsókn Jens Kristins Gíslasonar f.h. Landsnets hf. um veitingu framkvæmdaleyfis fyrir lagningu Sauðárkrókslínu 1 og 2.
Byggðarráð samþykkir tillögu skipulags- og byggingarnefndar frá fundi 18. júlí sl. og samþykkir að veita Landsneti hf. framkvæmdaleyfi fyrir lagningu 66 kV jarðstrengs, Sauðárkrókslínu 2, sem er um 23 km jarðstrengur milli Varmahlíðar og Sauðárkróks og framkvæmdaleyfi fyrir Sauðárkrókslínu 1, sem er 1,2 km 66 kV jarðstrengur milli fyrirhugaðs tengivirkis við Borgarteig 10b og tengivirkis ofan Kvistahlíðar. Landsnet sækir um leyfin á grundvelli 13 gr. skipulagslaga nr. 123/2010 og reglugerðar um framkvæmdaleyfi nr. 772/2016.
Samþykkt að fela skipulags- og byggingarfulltrúa að gefa út framkvæmdaleyfi.