Fræðslunefnd - 156

Málsnúmer 2006010F

Sveitarstjórn Sveitarfélagins Skagafjarðar - 400. fundur - 24.06.2020

Fundargerð 156. fundar fræðslunefndar frá 9. júní 2020 lögð fram til afgreiðslu á 400. fundi sveitarstjórnar eins og einstök erindi bera með sér. Axel Kárason kynnti fundargerð. Jóhanna Ey Harðardóttir, Bjarni Jónsson, Axel Kárason, Ólafur Bjarni Haraldsson, Álfhildur Leifsdóttir og Stefán Vagn Stefánsson tóku til máls.

Fulltrúar VG, sátu hjá við afgreiðslu liðar 4.1.

.1 2002275 Útboð. Hádegisverður f.Ársali og Árskóla 2020

Fræðslunefnd - 156 Á fundi sínum þann 30. janúar 2020 samþykkti fræðslunefnd að bjóða út hádegisverð fyrir Ársali og Árskóla í einu lagi. Lögum samkvæmt fór útboðið fram á Evrópska efnahagssvæðinu og annaðist Consensa útboðsþjónusta umsýslu og auglýsingu útboðsins f.h. sveitarfélagsins. Tilboð voru opnuð þann 22. maí s.l. og bárust tvö tilboð í verkið.
Niðurstaða:
Stá ehf. 508 krónur hver máltíð.
Grettistak veitingar. 570 krónur hver máltíð.
Fræðslunefnd samþykkir að taka tilboði Stá ehf. og felur sviðsstjóra að ganga frá samningum þar að lútandi.
Auður Björk Birgisdóttir, fulltrúi Vg og óháðra, óskar bókað að hún taki ekki afstöðu til málsins.

Bókun fundar Álfhildur Leifsdóttir óskar bókað:
VG og óháð stóðu ekki að þessu útboði á mat og sjá á því fjölmarga ágalla. Sömuleiðis stendur framboðið ekki að niðurstöðu nefndarinnar um þá samninga sem gerðir verða í framhaldi þessa útboðs.
Fulltrúi VG og óháðra lagði fram tillögu þess efnis að eldað yrði frá grunni í eldhúsum allra grunn- og leikskóla héraðsins í nóvember 2018. Var þeirri tillögu fylgt eftir með fyrirspurn um kostnað við að elda frá grunni miðað við kostnað við aðkeyptan mat í janúar 2019. Sýndi sá útreikningur umtalsverðan sparnað við að elda frá grunni miðað við aðkeyptan mat. Það virðist vera samhljómur um að elda frá grunni sé bæði hagstæðara og betur til þess fallið að tryggja að hráefni, eldun og framreiðsla sé í samræmi við ráðleggingar Landlæknisembættisins um mataræði og í samræmi við ákvörðun Sveitarfélagsins Skagafjarðar að gerast aðili að Heilsueflandi samfélagi. Því mætti ætla að elda mat frá grunni fyrir alla grunn- og leikskóla Skagafjarðar væri besti kosturinn. Engu að síður var útboð um aðkeyptan mat til þriggja ára niðurstaða meirihluta og Byggðarlista þó svo að rúmlega eitt og hálft ár hafi verið til undirbúnings nauðsynlegra breytinga til að hægt væri að elda frá grunni.

Í undirbúningi útboðs sem samþykkt var af meirihluta og Byggðarlista hefði verið mikilvægt að hafa meira samráð við viðkomandi skóla varðandi umgjörð útboðsins hvað varðar t.d. fjölbreytni og gæði matar og aðrar áherslur sem þeim þætti skipta máli.

Við sitjum því hjá við afgreiðslu þessa máls.

Álfhildur Leifsdóttir
Bjarni Jónsson

Afgreiðsla 156. fundar fræðslunefndar staðfest á 400. fundi sveitarstjórnar 24. júní 2020 með sjö atkvæðum.
.2 2006068 Reglur um skólaakstur grunnskólabarna í dreifbýli í Skagafirði

Fræðslunefnd - 156 Jóhanna Ey Harðardóttir, fulltrúi Byggðalista, leggur fram tillögu að ályktun og óskar eftir stuðningi nefndarinnar við hana.
Ályktun um skólaakstur í grunnskóla Nr. 656/2009
Fræðslunefnd Sveitarfélagsins Skagafjarðar skorar á stjórnvöld að setja öryggi barna á grunnskólaaldri í forgang í allri ákvarðanatöku hvað varðar skólaakstur í grunnskóla. Óskar nefndin eftir að reglugerð um skólaakstur í grunnskóla nr. 656/2009. verði tekin til endurskoðunar með tilliti til atriða sem tilgreind eru hér að neðan:
1.
Samkvæmt 2. Gr Reglna um skólaakstur í grunnskóla ( Nr. 656/2009 ), er sveitarfélögum skylt að bera kostnað og ábyrgð á öryggi, velferð og hagsmunum nemenda í skólaakstri og að uppfylltar séu kröfur laga og reglugerða um umferðaröryggi.
Fræðslunefnd fer fram á að heimild sveitarfélaga verði gerð skýrari hvað varðar framfylgd reglna er varða öryggi, velferð og hagsmuni nemenda á grunnskólaaldri. Að sett verði lágmarks viðmið um þekkingu og heilsufarslegt ástand bílstjóra svo öryggi nemenda á skólaaldri verði eins og best er á kosið.
2.
Samkvæmt 6. gr um skólaakstur í grunnskóla ( Nr. 656/2009 ) skal bifreiðastjóri skólabifreiða hafa aukin ökuréttindi og hafa sótt skyndihjálparnámskeið og önnur þau námskeið sem sérstaklega eru ætluð bifreiðastjórum fólksflutningabíla.
Ef litið er á reglugerð um leigubifreiðar 3. Gr. ( Nr. 397/2003), þá er Vegagerðinni gert skylt að halda námskeið fyrir þá umsækjendur um atvinnuleyfi, sem fullnægja tilskyldum skilyrðum. Jafntframt skal Vegagerðin halda námskeið fyrir forfallabílstjóra sem fullnægja tilskyldum skilyrðum. Vegagerðin skipuleggur slíkt námskeið, ákveður kennslutilhögun, námsefni, prófreglur og námskeiðsgjald. Bifreiðastjóri skal, sé þess óskað, leggja fram læknisvottorð frá trúnaðarlækni Vegagerðarinnar sem staðfestir starfshæfni hans með tilliti til heilsufars.
Fræðslunefnd Sveitarfélagsins Skagafjarðar fer fram á að sett verði skilyrði um að bílstjórar skólabifreiða undirgangist námskeið líkt og bílstjórar leigubifreiða er skylt að undirgangast og jafnframt verði sveitarfélögum heimilt að kalla eftir læknisvottorði hjá trúnaðarlækni sveitarfélagsins ef þess gerist þörf.
3.
Í 8 .gr. um skólaakstur í grunnskóla ( Nr. 656/2009 ) kemur fram að telji foreldri einhverju áfátt í fyrirkomulagi skólaaksturs eða að á rétti barnsins sé brotið getur það leitað leiðréttingar hjá sveitarstjórn eða hlutaðeigandi skólastjóra.
Fræðslunefnd Sveitarfélagsins Skagafjarðar óskar eftir því að gerð verði skýrari heimildir sveitastjórnar og / eða hlutaðeigandi sveitarstjóra um að krefjast ítarlegra upplýsinga eða yfirlýsingar frá lækni eða öðrum sérfræðingi, þannig að hæfi bílstjóra verði metið út frá læknisfræðilegri rannsókn. Eins og fram kemur í 2.gr. reglugerðar nr. 656/2009 bera sveitarfélög ábyrgð á öryggi og velferð barna í skólaakstri í grunnskóla og teljum við því réttast að þessi heimild liggi hjá sveitarfélögunum.
Fræðslunefnd tekur heilshugar undir ályktunina og samþykkir að fela sviðsstjóra að senda hana mennta- og menningarmálaráðuneytisins. Nefndin ítrekar að málið hefur verið á dagskrá hennar áður og mikilvægt að eyða óvissu um heimildir sveitarfélaga gangvart ábyrgð á skólaakstri grunnskólabarna.

Bókun fundar Afgreiðsla 156. fundar fræðslunefndar staðfest á 400. fundi sveitarstjórnar 24. júní 2020 með níu atkvæðum.