Fundur Rarik með sveitarstjórnarmönnum á Norðurlandi

Lagður fram til kynningar tölvupóstur dagsettur 9. júlí 2020 frá Líney Sveinsdóttur, deildarstjóra skrifstofuþjónustu hjá Rarik, þar sem upplýst er um að stjórn Rarik ásamt forstjóra og framkvæmdastjórum muni ferðast um Norðurland dagana 20.-21. ágúst nk. Tilgangur ferðarinnar er að hitta að máli sveitarstjórnarmenn á svæðinu og starfsmenn fyrirtækisins og ræða orkumál almenn, þjónustu fyrirtækisins og önnur þau mál sem upp kunna að koma. Stjórn Rarik óskar eftir að hitta fulltrúa sveitarfélaganna í Skagafirði á fundi föstudaginn 21. ágúst nk.