Úthlutun byggðakvóta til byggðarlaga og sérreglur sveitarfélaga um úthlutun

Lagt fram til kynningar bréf frá atvinnuvega- og nýsköpunarráðuneyti, dagsett 11. september 2020 varðandi beiðni um sérreglur vegna byggðakvóta fiskveiðiárið 2020/2021.

Atvinnu-, menningar- og kynningarnefnd leggur til eftirfarandi breytingar á reglugerð nr 728/2020 um úthlutun byggðakvóta til fiskiskipa á fiskveiðiárinu 2020/2021 í Sveitarfélaginu Skagafirði:

1.
Nýtt ákvæði 4. greinar reglugerðarinnar verður: "Hámarksúthlutun fiskiskipa yfir 50 brúttótonnum af því aflamarki sem fallið hefur innan viðkomandi byggðarlags verður 14 þorskígildistonn á skip.“

2.
Í 6. grein reglugerðarinnar verði veitt undanþága frá löndun til vinnslu. Til vara að bátar undir 50 brúttótonnum fái undanþágu frá löndun til vinnslu.

3.
Þá leggur atvinnu-, menningar- og kynningarnefnd til að ákvæði 1. mgr. 6. gr. reglugerðarinnar breytist og verði: Fiskiskipum er skylt að landa þeim afla sem telja á til byggðarkvóta innan sveitarfélagsins.

Atvinnu-, menningar- og kynningarnefnd felur starfsmönnum nefndarinnar að senda inn ofangreindar tillögur ásamt rökstuðningi.

Tekið fyrir erindi frá atvinnuvega- og nýsköpunarráðuneytinu, dagsett 30. nóvember 2020, vegna úthlutunar byggðakvóta fyrir fiskveiðiárið 2020/2021.
Úthlutaður byggðakvóti til Sveitarfélagsins Skagafjarðar er 155 tonn sem skiptast þannig:
Hofsós 15 tonn
Sauðárkrókur 140 tonn
Ráðuneytið óskar eftir rökstuddum tillögum varðandi sérstök skilyrði um úthlutun byggðakvóta sveitarfélagsins eða einstakra byggðalaga. Tillögum skal skilað fyrir 8. desember 2020.

Atvinnu-, menningar- og kynningarnefnd felur starfsmönnum nefndarinnar að ítreka beiðni um sérreglur sem samþykktar voru á fundi nefndarinnar 7. október sl.