Ósk um hækkun húsaleigustyrks

Lagt fram erindi frá UMSS með ósk um hækkun á styrk til sambandsins vegna reksturs skrifstofu og húsaleigu. Nefndin samþykkir að verða við hækkun sem nemur vísitölu frá 1. janúar 2013 til dagsins í dag að upphæð 180.000 krónur. Nefndin samþykkir jafnframt að við endurskoðun á samningi við UMSS á næsta ári verði sérstaklega skoðað að leita leiða til að lækka húsnæðiskostnað, þ.m.t. að skoða hvort húsnæði í eigu sveitarfélagsins geti nýst sambandinu og aðilarfélögum þess til skrifstofuhalds.