Beiðni um lengdan opnunartíma

Erindi áður á dagskrá nefndarinnar þann 22.nóvember 2021, nefndin bókaði þá eftirfarandi: ,,Lagt fram erindi frá Ungmennafélaginu Smára þar sem óskað er eftir fjölgun tíma til íþróttaiðkunar í íþróttahúsinu í Varmahlíð. Með hliðsjón af viðræðum við ungmennafélagið samþykkir nefndin að stefna að fjölgun tíma við upphaf næsta skólaárs. Umræður verða teknar upp aftur þegar nær dregur." Í samráði við formann Smára er lagt til að opnunartími íþróttahússins í Varmahlíð verði lengdur um 1 klst. mánudaga til fimmtudaga í vetur. Kostnaður vegna þessa rúmast innan gildandi launaáætlana þessa árs. Nefndin mun ræða opnunartíma íþróttamiðstöðvarinnar í Varmahlíð aftur við vinnslu fjárhagsáætlunar 2023.