Byggðarráð Skagafjarðar - 41

Málsnúmer 2303024F

Sveitarstjórn Skagafjarðar - 12. fundur - 19.04.2023

Fundargerð 41. fundar byggðarráðs frá 29. mars 2023 lögð fram til afgreiðslu á 12. fundi sveitarstjórnar eins og einstök erindi bera með sér. Sólborg Borgarsdóttir forseti kynnti fundargerð. Sveinn Þ Finster Úlfarsson, Einar E Einarsson og Sveinn Þ Finster Úlfarsson kvöddu sér hljóðs.

.1 2303124 Umsókn um leyfi fyrir rekstri á stöðvalausri deilileigu fyrir rafskútur á Sauðárkróki

Byggðarráð Skagafjarðar - 41 Málið áður á dagskrá 40. fundar byggðarráðs, þann 22. mars 2023. Lagt fram ódagsett erindi sem barst 10. mars 2023 frá Þór Brynjarssyni ehf. og Hopp. Óskað er eftir að gerður verði þjónustusamningur milli Skagafjarðar og sérleyfishafa Þór Brynjarsson ehf. um leyfi til reksturs og þróunar á deilileigu fyrir rafskútur á Sauðárkróki. Ágúst Þór Brynjarsson og Rúnar Þór Brynjarsson sérleyfishafar Hopp í Skagafirði tóku þátt í fundinum ásamt Eiríki Rafni Rafnssyni fulltrúa Hopp, undir þessum dagskrárlið í gegnum fjarfundabúnað.
Byggðarráð tekur jákvætt í erindið og felur sveitarstjóra að útfæra þjónustusamning í samstarfi við umsækjendur og leggja fyrir byggðarráð. Bókun fundar Afgreiðsla 41. fundar byggðarráðs staðfest á 12. fundi sveitarstjórnar 19. apríl 2023 með níu atkvæðum.
.2 2303253 Sundlaug Sauðárkróks, áfangi 2, múrverk útboð 2023

Byggðarráð Skagafjarðar - 41 Lögð fram verklýsing og útboðslýsing vegna áfanga 2 við Sundlaug Sauðárkróks, múrverk og flísalagnir. Steinn Leó Sveinsson sviðsstjóri veitu- og framkvæmdasviðs sat fundinn undir þessum dagskrárlið.
Byggðarráð samþykkir að fela sviðsstjóra veitu- og framkvæmdasviðs að bjóða verkið út í samræmi við fyrirliggjandi gögn. Bókun fundar Afgreiðsla 41. fundar byggðarráðs staðfest á 12. fundi sveitarstjórnar 19. apríl 2023 með níu atkvæðum.
.3 2303261 Sundlaug Sauðárkróks, skýli yfir vinnusvæði

Byggðarráð Skagafjarðar - 41 Lögð fram útboðsgögn vegna byggingar bráðabirgðaskýlis yfir vinnusvæði við Sundlaug Sauðárkróks, vegna vinnu við múrverk og flísalagnir. Steinn Leó Sveinsson sviðsstjóri veitu- og framkvæmdasviðs sat fundinn undir þessum dagskrárlið.
Byggðarráð samþykkir að fela sviðsstjóra veitu- og framkvæmdasviðs að bjóða út byggingu bráðabirgðaskýlis yfir vinnusvæði við Sundlaug Sauðárkróks vegna vinnu við múrverk og flísalagnir. Bókun fundar Afgreiðsla 41. fundar byggðarráðs staðfest á 12. fundi sveitarstjórnar 19. apríl 2023 með níu atkvæðum.
.4 2303260 Varmahlíð - VH-03, ný dæla, frágangur umhverfis og yfirfallslögn

Byggðarráð Skagafjarðar - 41 Lögð fram kostnaðaráætlun fyrir virkjun á holu VH-03 við Norðurbrún í Varmahlíð. Steinn Leó Sveinsson sviðsstjóri veitu- og framkvæmdasviðs sat fundinn undir þessum dagskrárlið. Bókun fundar Afgreiðsla 41. fundar byggðarráðs staðfest á 12. fundi sveitarstjórnar 19. apríl 2023 með níu atkvæðum.
.5 2303262 Ferðaþjónusta í Skagafirði

Byggðarráð Skagafjarðar - 41 Lagt fram ódagsett bréf frá Kaupfélagi Skagfirðinga, móttekið 27. mars 2023, þar sem fyrirtækið lýsir áhuga á að standa að ráðstefnu um „Ferðaþjónustu í Skagafirði“ áskoranir og tækifæri, í samstarfi KS og sveitarfélagsins.
Byggðarráð tekur jákvætt í erindið og samþykkir að vísa því áfram til afgreiðslu atvinnu-, menningar- og kynningarnefndar. Bókun fundar Afgreiðsla 41. fundar byggðarráðs staðfest á 12. fundi sveitarstjórnar 19. apríl 2023 með níu atkvæðum.
.6 2111190 Svæðisáætlun sveitarfélaga

Byggðarráð Skagafjarðar - 41 Lögð fram tillaga að Svæðisáætlun um meðhöndlun úrgangs á Norðurlandi, til kynningar 17. febrúar 2023.
Byggðarráð samþykkir að fela sveitarstjóra að senda inn framlagðar athugasemdir við svæðisáætlunina til SSNV. Bókun fundar Afgreiðsla 41. fundar byggðarráðs staðfest á 12. fundi sveitarstjórnar 19. apríl 2023 með níu atkvæðum.
.7 2303218 Aðalfundur Norðlenskrar orku ehf.

Byggðarráð Skagafjarðar - 41 Lagt fram aðalfundarboð Norðlenskrar orku ehf. þann 7. apríl 2023 á Sauðárkróki.
Byggðarráð samþykkir að fela sveitarstjóra að kanna með sölu á hlutafé sveitarfélagsins og fara með atkvæðisrétt sveitarfélagsins á aðalfundinum. Bókun fundar Afgreiðsla 41. fundar byggðarráðs staðfest á 12. fundi sveitarstjórnar 19. apríl 2023 með níu atkvæðum.
.8 2303203 Ósk um tilnefningu í stafrænt ráð Norðurlands vestra

Byggðarráð Skagafjarðar - 41 Lagður fram tölvupóstur dagsettur 15. mars 2023 frá Samtökum sveitarfélaga á Norðurlandi vestra, þar sem óskað er eftir tilnefningu fulltrúa sveitarfélagsins í Stafrænt ráð landshlutans.
Byggðarráð samþykkir að Sigfús Ólafur Guðmundsson verkefnastjóri verði fulltrúi Skagafjarðar í ráðinu. Bókun fundar Afgreiðsla 41. fundar byggðarráðs staðfest á 12. fundi sveitarstjórnar 19. apríl 2023 með níu atkvæðum.
.9 2303242 Könnun um innleiðingu hringrásarhagkerfis og ósk um þátttökusveitarfélög í BÞHE innleiðingu

Byggðarráð Skagafjarðar - 41 Lagður fram tölvupóstur dagsettur 22. mars 2023 frá Sambandi íslenskra sveitarfélaga varðandi könnun um innleiðingu hringrásarhagkerfis og ósk um þátttökusveitarfélög í BÞHE (borgað þegar hent er) innleiðingu.
Byggðarráð samþykkir að fela sveitarstjóra að óska eftir því að fá að taka þátt í BÞHE innleiðingu. Bókun fundar Afgreiðsla 41. fundar byggðarráðs staðfest á 12. fundi sveitarstjórnar 19. apríl 2023 með níu atkvæðum.
.10 2303255 Tillaga kjörnefndar SÍS að fulltrúa í stjórn

Byggðarráð Skagafjarðar - 41 Lagt fram til kynningar bréf, dagsett 23. mars 2023, til allra landsþingsfulltrúa og sveitarfélga frá Sambandi íslenskra sveitarfélaga varðandi tillögu kjörnefndar að fulltrúa í stjórn sambandsins. Bókun fundar Afgreiðsla 41. fundar byggðarráðs staðfest á 12. fundi sveitarstjórnar 19. apríl 2023 með níu atkvæðum.