Borgarflöt 29 - Lóðarúthlutun

Í samræmi við úthlutunarreglur sveitarfélagsins, gr. 2.3. auglýsti skipulagsnefnd Skagafjarðar framangreinda iðnaðar- og athafnalóð á Sauðárkróki lausa til úthlutunar. Lóðin var auglýst frá og með 17. febrúar 2023 til og með 10. mars 2023.

Tvær umsóknir bárust í lóðina frá: a) Birgi Erni Hreinssyni og b) Kaupfélagi Skagfirðinga.

Skipulagsfulltrúa er falið að afla eftirfarandi upplýsinga og gagna varðandi hvorn umsækjanda, sem þeir láti í té innan frests sem skipulagsfulltúi setur:

1) Upplýsinga um stærð og gerð byggingar sem ætlunin er að reisa á lóðinni (í þágu greiðslumats sbr. b-lið).
2) Staðfestingar fjármálastofnunar um að greiðslumat þess á viðkomandi umsækjanda staðfesti fjárhagslega getu umsækjanda til þess að standa undir kostnaði við öflun lóðar og byggingu húss af þeirri stærð og gerð sem ráðgert er að byggja á viðkomandi lóð.
3) Búsforræðisvottorðs frá héraðsdómi, sbr. áskilnaður í 4.2 gr. lóðarúthlutunarreglana sveitarfélagsins, sem skal ekki vera eldra en frá því mars 2023, og staðfesti að umsækjandi sé ekki undir gjaldþrotaskiptum, né hafi orðið gjaldþrota á síðustu tveimur árum.
4) Staðfestingar stjórnsýslu- og fjármálasviðs sveitarfélagsins um að umsækjandi sé skuldlaus við sveitarsjóð, þ.e. að ekki sé til staðar krafa sveitarfélagsins á hendur umsækjanda sem fallin sé í eindaga.
5) Síðasta samþykkta ársreikning umsækjanda sem áritaður hefur verið af löggiltum endurskoðanda.
6) Annarra upplýsinga og gagna sem máli skipta vegna úthlutunarreglna sveitarfélagsins.

Að lokinni yfirferð sinni á gögnum skal skipulagsfulltrúi greina nefndinni frá niðurstöðum sínum varðandi umrædd atriði og annað sem máli kann að skipta um endanlega afgreiðslu umsóknanna. Ráðgerir nefndin í kjölfar þess að taka ákvörðun um afgreiðslu umsóknanna. Gengur málið þar á eftir til samþykktar sveitarstjórnar varðandi úthlutunina.

Álfhildur Leifsdóttir situr hjá við afgreiðslu málsins.

Birgir Örn Hreinsson dregur til baka umsókn um iðnaðarlóðina við Borgarflöt 29.
Hinn umsækjandinn Kaupfélag Skagfirðinga hefur skilað inn öllum umbeðnum gögnum.
Skipulagsnefnd samþykkir að úthluta lóðinni til Kaupfélags Skagfirðinga.