Byggðarráð Skagafjarðar - 62
Málsnúmer 2309016F
Vakta málsnúmerSveitarstjórn Skagafjarðar - 18. fundur - 25.10.2023
Fundargerð 62. fundar byggðarráðs frá 19. september 2023 lögð fram til afgreiðslu á 18. fundi sveitarstjórnar eins og einstök erindi bera með sér. Sólborg Borgarsdóttir forseti kynnti fundargerð. Enginn kvaddi sér hljóðs.
-
Byggðarráð Skagafjarðar - 62 Lagt fram bréf dagsett 17. september 2023 frá skíðadeild UMF Tindastóls varðandi skíðasvæðið í Tindastóli. Með bréfi þessu er óskað eftir samtali og samstarfi við sveitarfélögin á Norðurlandi vestra um aðkomu að rekstrarstuðningi við svæðið.
Byggðarráð samþykkir að fela sveitarstjóra að boða forsvarsmenn skíðadeildarinnar á fund ráðsins til viðræðu um erindið. Bókun fundar Afgreiðsla 62. fundar byggðarráðs staðfest á 18. fundi sveitarstjórnar 25. október 2023 með níu atkvæðum. -
Byggðarráð Skagafjarðar - 62 Lögð fram bókun frá síðasta fundi framkvæmdaráðs um málefni fatlaðs fólks á Norðurlandi vestra, þann 11. september 2023.
Byggðarráð Skagafjarðar skorar á stjórn Sambands íslenskra sveitarfélaga að beita sér fyrir tafarlausri leiðréttingu á fjárframlögum ríkisins til þjónustu vegna fatlaðs fólks, en enn eitt árið stefnir í að málaflokkurinn verði rekinn með tapi á kostnað sveitarfélaganna. Jafnframt er ekki boðlegt að starfshópur um kostnaðarskiptingu ríkis og sveitarfélaga vegna þjónustu við fatlað fólk hafi ekki skilað af sér niðurstöðu. Ljóst er að málaflokkurinn er verulega vanfjármagnaður og sveitarfélög landsins eiga í rekstrarerfiðleikum vegna þess. Nýleg úttekt á rekstri málaflokksins á Norðurlandi vestra sýnir að ekki er um ofþjónustu að ræða af hálfu sveitarfélaganna heldur sinna þau lögbundnum skyldum sínum í þeim efnum.
Bókun fundar Forseti gerir að tillögu sinni að bókun byggðarráðs verði gerð að bókun sveitarstjórnar, og hljóðar þá eftirfarandi:.
"Lögð fram bókun frá síðasta fundi framkvæmdaráðs um málefni fatlaðs fólks á Norðurlandi vestra, þann 11. september 2023. Sveitarstjórn Skagafjarðar skorar á stjórn Sambands íslenskra sveitarfélaga að beita sér fyrir tafarlausri leiðréttingu á fjárframlögum ríkisins til þjónustu vegna fatlaðs fólks, en enn eitt árið stefnir í að málaflokkurinn verði rekinn með tapi á kostnað sveitarfélaganna. Jafnframt er ekki boðlegt að starfshópur um kostnaðarskiptingu ríkis og sveitarfélaga vegna þjónustu við fatlað fólk hafi ekki skilað af sér niðurstöðu. Ljóst er að málaflokkurinn er verulega vanfjármagnaður og sveitarfélög landsins eiga í rekstrarerfiðleikum vegna þess. Nýleg úttekt á rekstri málaflokksins á Norðurlandi vestra sýnir að ekki er um ofþjónustu að ræða af hálfu sveitarfélaganna heldur sinna þau lögbundnum skyldum sínum í þeim efnum.
Borið upp til afgreiðslu sveitarstjórnar og samþykkt með niu aktvæðum.
Afgreiðsla 62. fundar byggðarráðs staðfest á 18. fundi sveitarstjórnar 25. október 2023 með níu atkvæðum.
-
Byggðarráð Skagafjarðar - 62 Byggðarráð samþykkir að fresta afgreiðslu málsins. Bókun fundar Afgreiðsla 62. fundar byggðarráðs staðfest á 18. fundi sveitarstjórnar 25. október 2023 með níu atkvæðum.
-
Byggðarráð Skagafjarðar - 62 Lagt fram til kynningar erindi frá Vegagerðinni, dagsett 14. september 2023, varðandi samráðsfundi vegna endurskoðunar á vinnureglum vetrarþjónustu. Fundur vegna Norðurlands verður haldinn í Hofi, menningarhúsi á Akureyri þann 11. október 2023. Bókun fundar Afgreiðsla 62. fundar byggðarráðs staðfest á 18. fundi sveitarstjórnar 25. október 2023 með níu atkvæðum.
-
Byggðarráð Skagafjarðar - 62 Lagt fram til kynningar bréf til stjórna sveitarfélaganna á Íslandi, dagsett 13. september 2023 frá Skógræktarfélagi Íslands þar sem kynnt er ályktun sem samþykkt var á aðalfundi félagsins 1.-3. september 2023, um skógarreiti og græn svæði innan byggðar. Bókun fundar Afgreiðsla 62. fundar byggðarráðs staðfest á 18. fundi sveitarstjórnar 25. október 2023 með níu atkvæðum.